Fanebi.com-ის წლის შეჯამება და მილოცვა!
უკვე ტრადიციად იქცა, რომ ყოველი წლის ბოლოს Fanebi.Com აჯამებს განვლილ დღეებს და მომხმარებელს ანგარიშის სახით წარუდგენს ჩატარებულ ღონისძიებებს.
2013 წელი მნიშვნელოვანი და მეტად რთული აღმოჩნდა ჩვენთვის. ახალი სისტემის დანერგვამ, რომელიც ევროპული სხვა სპორტული პორტალების მსგავსი ტიპის არის, ბევრი თავსატეხი მოგვიტანა. აქ არის საკმაოდ დიდი ინფორმაცია თავმოყრილი: საუკეთესო 6 ჩემპიონატი და საქართველოს ჩემპიონატის ყველა გუნდის შესახებ ინფორმაცია, ამ ჩემპიონატებში მოასპარეზე ყველა ფეხბურთელისა და მატჩების გვერდები. დავნერგეთ საქართველოს ჩემპიონატის მატჩების გვერდების ახალი სისტემა და ა.შ. არც ისე მარტივი შესაქმნელი აღმოჩნდა მომხმარებელზე მორგებული სისტემა, ჩვენი მიზანი კი თითოეული ვიზიტორის აზრის გათვალისწინება გახლავთ.
მიუხედავად ამისა, სექტემბრიდან ახალი სისტემა გავუშვით. უნდა ვაღიაროთ, რომ მომხმარებლის ინტეგრაცია ახალ სისტემასთან არც ისე მარტივად მოხდა. ამის გამო დავკარგეთ ჩვენი ვიზიტორების გარკვეული რაოდენობა, რაც ძალზედ მტკივნეული აღმოჩნდა. იყო საიტის ჩატვირთვის სიჩქარესთან დაკავშირებული პრობლემა, რაც უკვე აღმოფხვერით.
ნამდვილად ბევრი იშრომა თითოეულმა ჩვენმა ჟურნალისტმა. ისინი ყოველდღიურად, მუდმივ რეჟიმში შრომობდნენ, რომ ამ წლის განმავლობაში არცერთი საინტერესო სიახლე არ გამორჩენოდა ჩვენს ერთგულ მომხმარებელს. ჩვენ გავაშუქეთ კალათბურთის და ფეხბურთის ეროვნული ნაკრებების ყველა მატჩი, ასევე ადგილობრივი ჩემპიონატების ყველა ცენტრაული შეხვედრა.
წლის ბოლოს გვქონდა უამრავი საინტერესო, სახალისო და აქტიური კონკურსი. პირველად, სწორედ ჩვენ ჩამოვაყალიბეთ ცოტა ხნის წინ მომხმარებელთა ფონდი, სადაც საიტი რიცხავს ფულს და შემდეგ აქტიურ მომხმარებელს ჩუქნის ყოველთვიურ პრიზს.
მინდა მადლობა გადავუხადო ჩვენს თითოეულ ჟურნალისტს, რომლებმაც არნახული ღვაწლი გასწიეს 2013 წელს. ასევე მადლობას გადავუხდი იმ ადამიანებს ვინც 5 წლის განმავლობაში გვერდით გვიდგას, გვედგა და გვეხმარებოდა.
მადლობა თითოეულ ჩვენს ვიზიტორს, ერთგულ მომხმარებელსა და ნამდვილ ფანს. ჩვენ გვიყვარს სპორტი და ამიტომაც ვაკეთებთ ამ საქმეს! ამიტომაც მოგიწოდებთ შემოგვიერთდეთ და ყოველდღე ესტუმროთ Fanebi.Com-ს.
მადლობა თითოეულ ჩვენს პარტნიორს: საქართველოს კალათბურთის ფედერაციას, ევროპა-ბეთს, კრისტალბეთს ჩვენთან თანამშრომლობისათვის. ვიმედოვნებთ, რომ მათთანერთად ბევრ საინტერესო აქტივობას შემოგთავაზებთ.
გილოცავთ, მეგობრებო, ახალ 2014 წელს! ბედნიერებას და სპორტულ ჟინს გისურვებთ!
პ.ს. ვისურვებ 2014 წელს ბევრ საინტერესო და თავისუფლად მოაზროვნე ბლოგერის ხილვას ჩვენს ვებ-გვერდზე. ასევე ბევრი და ნამდვილი ფანის ხილვას Fanebi.Com-ზე, მათ საინტერესო მოსაზრებებსა და ჩართულობას.
პატივისცემით,
გურამ თათეშვილი
Fanebi.Com – ის დამფუძნებელი
