პრემიერლიგის მიმოხილვა

ინგლისში ახალი წლის მოსვლა ფეხბურთით აღნიშნეს და პრემიერლიგის მეორე წრის პირველი ტურის მატჩები ჩაატარეს. 

არსენალი 3-0 კარდიფი

არსენ ვენგერის გუნდისათვის წლის პირველი შეხვედრა საკმაოდ რთული გამოდგა. მატჩის ბედი “მეთოფეებმა” ძირითადი დროის დასრულებამდე 2 წუთით ადრე გადაწყვიტეს. “კარდიფმა” ლიდერს ნამდვილი ბრძოლა გამოუცხადა, თუმცა წარმატების მისაღწევად სულ მცირე არ ეყო.

88-ე წუთზე ანგარიში შეცვლაზე შემოსულმა ნიკლას ბენდტნერმა გახსნა. ორ წუთში კი, დანიელს თეო უოლკოტმაც მიბაძა და სხვაობა ორამდე გაზარდა.
“არსენალი” კვალვ ლიდერობს პრემიერლიგას.

სუონსი 2-3 მანჩესტერ სიტი

“არსენალის” მთავარი მდევარი სუონსის ეწვი და “ლიბერთი სთეიდიუმზე” ადგილობრივ კლუბს დაუპირისპირდა. პრემირლიგის წლის პირველი მატჩი საკმაოდ დაძაბული და სანახაობრივი გამოვიდა. მიუხედავად, მასპინძელთა ფორვარდის, ბონი უილფრედის დიდი მცდელობისა, სტუმრებმა მაინც გაიმარჯვეს და “სუონსიმ” მოუგებელი სერიის შეწყვეტა ვერ შესძლო.
2014 წლის პირველი პრემიერლიგური გოლი ამ მატჩის 14-ე წუთზე, ფერნანდინიომ გაიტანა და “სიტი” დააწინაურა. თუმცა, ტაიმის უკანასკნელ წუთზე ბონიმ დე გუზმანის გადაცემით ისარგებლა და გუნდები შესვენებაზე თანაბარი ანგარიშით გავიდნენ.
მეორე ტაიმი სტუმრების უპირატესობით დაიწყო და 58-ე წუთზე “სიტი” კიდევ ერთხელ დაწინაურდა. ამჯერად გოლი იაია ტურემ გაიტანა. სულ რაღაც რვა წუთში კი, კოლაროვმა მანჩესტერელთა უპირატესობა ორბურთიანი გახადა.
“სუონსი” ბევრს ეცადა, თუმცა მხოლოდ ანგარიშის შემცირება მოახერხა და ისიც მსაჯის მიერ კომპენსირებულ წუთებზე. 91-ზე ბონიმ დუბლი გაიფორმა და საბოლოო ანგარიშიც დააფიქსირა – 2:3.

მანჩესტერ იუნაიტედი 1-2 ტოტენჰემი

ტურის ცენტრალური და უკანასკნელი მატჩი “ოლდ ტრაფორდზე” გაიმართა. “მანჩესტერ იუნაიტედმა” ლონდონის “ტოტენჰემს” უმასპინძლა და მორიგი მარცხი იწვნია პრემიერლიგის მიმდინარე გათამაშებაში. როგორც პრევიუში ავღნიშნეთ, ორივე გუნდი ამ შეხვედრას კარგ ფორმაში ხვდებოდა, თუმცა როგორც ჩანს ტიმ შერვუდმა უკეთესად მოამზადა თავისი კლუბი საკმაოდ მნიშნვნელოვანი მატჩისათვის.

შეხვედრა მანჩესტერელთა ტერიტორიული უპირატესობით დაიწყო, თუმცა მომენტები სტუმრებს უფრო ექმნებოდათ. 34-ე წუთზე კი ადებაიორმა თავური დარტყმით გახსნა ანგარიში.

მეორე ტაიმში მანჩესტერელთა დაცვა კიდევ ერთხელ შეცდა და ერიქსენმა ორამდე გაზარდა თავისი გუნდის უპირატესობა. უნდა ითქვას, რომ ერიქსენი შერვუდის მოსვლის შემდეგ საკმაოდ კარგად ათამაშდა.

“მანჩესტერმა” ერიქსენის გოლს ერთ წუთსი უპასუხა და ანგარიშში სხვაობა მინიმუმამდე შეამცირა, თუმცა მეტის გაკეთება მასპინძლებმა ვეღარ მოახერხეს.

სუონსი 2-3 სიტი

გოლები: ფერნანდინიო 14′ (0:1); ბონი 45′ (1:1); ტურე 58′ (1:2); კოლაროვი 66′ (1:3); ბონი 90′ (2:3)

არსენალი 2-0 კარდიფი 

გოლები: ბენდტნერი 88′ ; უოლკოტი 90′

 კრისტალ პელასი 1-1 ნორვიჩი

გოლები: ჯონსონი 39′ (0:1); პანჩენიონი 44′ (1:1)

ფულემი 2-1 ვესტ ჰემი

გოლები: დიამე 7′ (0:1); სიდველი 32′ (1:1); ბერბატოვი 66′ (2:1)

ლივერპული 2-0 ჰალ სიტი

გოლები: აგერი 36′ ; სუარესი 50′ 

საუთჰემპტონი 0-3 ჩელსი

გოლები: ტორესი 60′ ; ვილიანი 71′ ; ოსკარი 82′

 სტოკი 1-1 ევერტონი

გოლები: ასაიდი 50′ (1:0); ბეინსი 90′ (1:1)

სანდერლენდი 0-1 ასტონ ვილა

გოლი: აგბონლაჰორი 15′ 

ვესტ ბრომვიჩი 1-0 ნიუკასლი

გოლი: ბერაჰინო 86′ 

მანჩესტერი 1-2 ტოტენჰემი

გოლები: ადებაიორი 34′ (0:1); ერიქსენი 66′ (0:2); უელბეკი 67′ (1:2)