კარასკო მწვრთნელებს თეორიულ ცოდნას უღრმავებს
უკვე რამდენიმე დღეა, რაც ანდრეს კარასკო “საბურთალოს” მწვრთნელებთან თეორიულ მეცადინეობებს ატარებს და ახალგზარდა სპეციალისტებს ცოდნას უღრმავებს. სკოლის მწვრთნელებიც გულმოდგინედ უსმენენ ესპანელ სპეციალისტს და კითხვის გაჩენის შემთხვევაშიც, ამომწურავ პასუხს იღებენ.
თეორიული განათლება ყველა მწვრთნელისთვის აუცილებელია, რათა შემდგომ ახალგაზრდა სპეციალისტებმა უკვე ბავშვებს საწვრთნელ პროცესზე გადასცენ. როგორც ჩვენთვის გახდა ცნობილი, თეორიული განათლების მიღება კიდევ რამდენიმე დღის განმავლობაში გაგრძელდება.
დღევანდელი სამუშაო პროცესის დასრულების შემდეგ, აღნიშნულ სწავლებასთან დაკავშირებით, რამდენიმე მწვრთნელს მცირე კომენტარის გაკეთება ვთხოვეთ:
გიორგი ჭელიძე: “ძალიან მნიშვნელოვანი პროცესი მიმდინარეობს, აუცილებელია თეორიული მეცადინეობა, რათა მომავალში ბავშვებს სწორად გადავცეთ ეს ყოველივე. ამით ჩვენ უფრო მეტ განათლებას ვიღებთ და იმედი მაქვს მომავალში აუცილებლად წამადგება”.
ვოვა მუსერიძე: “ანდრეს კარასკო ძალიან კარგად გვიხსნის ყველაფერს, ახლა უფრო საფუძვლიანად ვეუფლებით თეორიულ მეცადინეობებს. რაც უფრო მეტ ხანს გაგრძელდება აღნიშნული პროცესი, ისევ და ისევ ახალგაზრდა მწვრთნელებს გამოგვადგება. ძალიან მნიშვნელოვანი პროცესია და ამის გარეშე წარმატებასა და განვითარებაზე ფიქრი, წარმოუდგენელია”.
fcsaburtalo.ge
