ხუთ წელიწადში ნეიმარი „ბარსელონასგან“ ჯამში 56,7 მილიონ ევროს მიიღებს

კატალონიის „ბარსელონას“ საფეხბურთო მენეჯმენტის საკითხების დირექტორმა რაულ სანლეხიმ ჟურნალისტებს ბრაზილიელი ფორვარდის ნეიმარის კონტრაქტის ფინანსური დეტალები გაუმხილა.

„ხუთ წელიწადში, ბონუსების ჩათვლით და აგენტის საკომისიოს გათვალისწინებით, ნეიმარის ხელფასი 56,7 მილიონ ევროს შადგენს.

„ბარსელონას“ გამო მან უარი თქვა ტრანსფერზე, რომლის ფასიც ას მილიონ ევროს შადგენდა. მას თითქმის ორჯერ მაღალი თანხის გამომუშავება შეეძლო“, – განაცხადა სანლეხიმ.

შეგახსენებთ, რომ რამდენიმე დღის წინ ნეიმარის „სანტოსიდან“ „ბარსელონაში“ ტრანსფერთან დაკავშირებით სასამართლო პროცესი დაიწყო. გუშინ კი კატალონიური კლუბის პრეზიდენტის პოსტი სანდრო როსელმა დატოვა, რომელსაც აღნიშნული ტრანსფერიდან 40 მილიონი ევროს მითვისებაში ედება ბრალი.

ალექსანდრე მატევოსოვი