ჩაშლილი შეხვედრა “დინამოს” თურქულ შეკრებაზე
ანტალიურ შეკრებაზე თბილისი “დინამომ” მორიგი საკონტროლო შეხვედრა უკრაინის პრემიერლიგის ბინადარ, ოდესის “ჩერნომორეცთან” უნდა ჩაეტარებინდა, თუმცა მატჩი მეორე ტაიმში ჩაიშალა.
პირველივე წუთებიდან შეხვედრა თბილისელთა უპირატესობით წარიმართა, თუმცა ტაიმი უგოლოდ დასრულდა.
საინტერესო მოვლენები კი მატჩის მეორე ტაიმში მოხდა. “დინამომ” დებიუტშივე გახსნა ანგარიში. თავი ძარიამ, ჩისკოს გადაცემით გამოიჩინა. რის შემდეგაც მოედანზე სიტუაცია დაიძაბა. “ჩერნომორეცის” შემადგენლობაში გუნდის ერთ-ერთი მწვრთნელი გამოჩნდა, რომელიც საკმაოდ სოლიდური ასაკის გახლდათ, ხოლო გუნდის მეკარე ოდესელებმა მინდვრის მოთამაშედ გაასაღეს.
დინამოელებმა ეს ქმედებები გააპროტესტეს და მატჩის გაგრძელებაზე უარი თქვეს.
ოდესელებმა აღნიშნული ფაქტი გუნდში არსებულ ტრავმიანობთ ახსნეს და “მოთამაშის” შეცვლაზე უარი თქვეს, რის გამოც შეხვედრა ჩაიშალა.
მართლაც არასასიამოვნო ფაქტია ოდესელების მხრიდან. პროფესიონალური გუნდების მატჩში, რომელიც კლუბის მომზადებას ემსახურება, მოედანზე ვეტერანი ფეხბურთელის გამოყვანა ლამაზი ჟესტი ნამდვილად არ არის.
