შკრტელი: “არსენალთან” თამაშის აქტიურად დაწყება გვსურდა”
მერსესაიდული კლუბის ცენტრალური მცველი, რომელმაც “მეთოფეების” წინააღმდეგ დუბლის შესრულება შეძლო, მიიჩნევს, რომ მისმა გუნდმა ეს გამარჯვება სწრაფად უნდა დაივიწყოს და ყურადღება მომდევნო თამაშზე გადაიტანოს.
“ეს ჩვენთვის ძალიან მნიშვნელოვანი გამარჯვებაა. ვიცოდით, თუ რას ველოდით ოპონენტისგან, რადგან ისეთ გუნდთან დაპირისპირება, როგორიც ეს “არსენალია”, რაღაც განსაკუთრებულია”, – აცხადებს მარტინ შკრტელი.
“ჩვენ უბრალოდ გვინდოდა, თამაში აქტიურად დაგვეწყო და მეტოქისთვის გვეჩვენებინა, რომ თანაბრად თამაში შეგვეძლო. ოც წუთში გატანილი ოთხი ბურთის შემდეგ, ძალიან აღფრთოვანებულები ვიყავით”.
“ლივერპულმა” “ევერტონი” 4-0, ხოლო “არსენალი” 5-1 გაანადგურა. თუმცა, ახლა ეს წარმატება უნდა დავივიწყოთ და ყურადღება მომდევნო თამაშებზე გადავიტანოთ. საჭიროა, ზედიზედ რამდენიმე მატჩი მოვიგოთ”.
“ვნახოთ, რომელ ადგილზე ვიქნებით სეზონის დასრულების შემდეგ. ჩვენი მთავარი მიზანი – პრემიერ ლიგის ოთხეულში მოხვედრაა”, – დაასრულა “წითლების” სლოვაკმა მცველმა.
სანდრო საპანაძე
