დინამოში მარცვალაძე და იენსე წარადგინეს
დღეს, დიღმის საწვრთნელ ბაზაზე “დინამოს” ხელმძღვანელობმა ახალწვეულები, ჰოლანდიელი იენს იანსე და ქართველი გულშემატკივრისთვის კარგად ცნობილი ოთარ მარცვალაძე წარადგინეს.
მარცვალაძემ სეზონის პირველი ნახევარი ვლადიკავკაზის “ალანიაში” გაატარა, თუმცა ოსური კლუბი ფინანსური პრობლემების გამო დაიშალა და ქართველიც სამშობლოში დაბრუნდა.
იანსემ კი მიმდინარე სეზონის პირველი ნაწილი ესპანური სეგუნდას ბინადარ “კორდობაში” გაატარა, სადაც 11 მატჩი ჩაატრა.
მარცვალაძეს 20-ნომრიანი მაისური გადაეცა, ხოლო იენსეს 22 ნომერი ერგო.
ორივე ფეხბურთელი თბილისურ კლუბში თავისუფალი აგენტის სტატუსით გადავიდა და ჯერ-ჯერობით სეზონის ბოლომდე დარჩებიან კლუბში, თანამშრომლობის შემდგომი გაგრძელების პერსპექტივით.
რომან ფიფია: გაძლიერდა თუ არა გუნდი, ამას ყველანი ერთად ვნახავთ. ფაქტია, რომ ახალწვეულები ძლიერი მოთამაშეები არიან. ამ ეტაპზე საკმარისი რაოდენობის ტრანსფერები განცახორციელეთ. ზაფხულში კი, შედეგებიდან გამომდინარე ვიმოქმედებთ.
ოთარ მარცვალაძე: ბევრი დრო გამიცდა და საქართველოში დაბრუნებაც ამიტომ გადავწყვიტე. დინამოში სიხარულით დავბრუნდი. ჩემს კარიერაში ეს წინ გადადგმული ნაბიჯია. იმედი მაქვს, რომ სეზონის ბოლოს კონტრაქტს გავახანგრძლივებთ.
