პრიმერა დივიზიონის მიმოხილვა

ესპანეთის პრიმერას 24-ე ტური სამივე ლიდერის პროგნოზირებადი გამარჯვებით დასრულდა. 

საუკეთესო მატჩი

“ბარსელონამ” მიმდინარე სეზონის ერთ-ერთი საუკეთესო მატჩი გამართა “რაიო ვალეკანოს” წინააღმდეგ. ამ შემთხვევაში ტაბლოზე ასახული დამაჯერებელი ანგარიშის გარდა, გულშემატკივარმა “ბარსასთვის” დამახასიათებელი ლამაზი და ლაღი ფეხბურთი იხილა. ხერარდო მატინომ მატჩიშ შემდეგ განაცხადა, რომ თუ გუნდი ასეთი თამაშის ჩვენებას გააგრძელებს, სტადიონზე 20 000-ით მეტი გულშემატკივარი მოვა.
აღსანიშნავია, რომ გოლის გატანა ტრავმის შემდეგ დაბრუნებულმა ნეიმარმა მოახერხა, თანაც ბრაზილიელმა ეს ძალიან ეფექტურად გააკეთა. ნეიმარის გარდა, თავი ასევე გამოიჩინეს პედრომ, ალექსისმა და მესიმ (დუბლი). “მანჩესტერ სიტისთან” მატჩის წინ, “ბარსას” კარგი რეპეტიცია გამოუვიდა.

სიმეონემ ნავსი გატეხა

ზედიზედ სამი მარცხის შემდეგ სიმეონემ გუნდის დამშვიდება შესძლო და “ატლეტიკომ” როგორც იქნა კვლავ მოიგო. მადრიდელებმა ძალიან აგრესიულად დაიწყეს და უკვე მეოთხე წუთზე ორბურთიანი სხვაობით იგებდნენ. მატჩის დებიუტში საკუთარი გვარები ტაბლოზე რაულ გარსიამ და დიეგო კოსტამ აანთეს. “ვალიადოლიდის” მოთამაშეებმა ფაქტობრივად 0:2-დან დაიწყეს შეხვედრა, რაც “ატლეტიკოსთან” ფაქტობრივად მარცხს ნიშნავს. “მილანის” წინააღმდეგ გასამართა საჩემპიონთალიგიო მატჩის წინ, “ვალიადოლიდთან” შეხვედრაში კარგი დასაწყისი საკმაოდ მნიშვნელოვანი იყო. სიმეონეს შეგირდებმა შეხვედრა გამარჯვებამდე დიდი ძალების დახარჯვის გარეშე მიიყვანეს. საბოლოო ანგარიში კი 74-ე წუთზე გოდინმა დააფიქსირა – 3:0.

ლიდერების ტური

საკუთარი შეხვედრა მადრიდის “რეალმაც” დიდი ანგარიშით მოიგო. ანჩელოტის გუნდი მიუხედავად რონალდუს არყოფნისა და კალენდარის სიმჭიდროვისა, იმდენად კარგ ფორმაშია, რომ ყველა მატჩს ერთნაირი დამაჯერებლობით თამაშობს. მადრიდელებს არც ძალების განსაკუთრებული დაზოგვა სჭირდებათ. ჩემპიონთა ლიგა ბერნაბეუზე ერთ კვირაშ ჩავა.

“ხეტაფესთან” ანგარიში “რეალმა” დებიუტშივე გახსნა. მეხუთე წუთზე თავი ხესემ გამოიჩნა. 27-ზე კი თავისი მორიგი გოლი გაიტანა კარიმ ბენზემამ და შესვენებაზეც გუნდები 0:2-ზე გავიდნენ. მეორე ნახევარში, 66-ე წუთზე მადრიდელებმა კიდევ ერთი გოლი გაიტანეს, მისი ავტორი კი ლუკა მოდრიჩი გახლდათ.

15/02/14

ელჩე 0-0 ოსასუნა

ატლეტიკო 3-0 ვალიადოლიდი

გოლები: რაულ გარსია 3′ ; დიეგო კოშტა 4′ ; გოდინი 74′ 

ლევანტე 1-0 ალმერია

გოლი: დავიდ ბარალი 62′ 

ბარსელონა 6-0 რაიო ვალეკანო

გოლები:  ადრიანო კორეია 2′ ; მესი 36′ ; სანჩესი 53′ ; პედრო 56′ ; მესი 68′ ; ნეიმარი 89′ 

16/02/14

ვილიარეალი 0-2 სელტა

გოლები: ორელიანა 83′ ; ნოლიტო 90′

გრანადა 1-0 ბეტისი

გოლი: პიტი 31′ 

ხეტაფე 0-3 რეალი

გოლები: ხესე 5′ ; ბენზემა 27′ ; მოდრიჩი 66′ 

ბილბაო 1-2 ესპანიოლი

გოლები:  სერჯიო გარსია 6′ (0:1); გურპეგი 56′ (1:1); კოლოტო 65′ (1:2)

17/02/14

სევილია 0-0 ვალენსია

18/02/14

მალაგა 0-1 სოსიედადი

გოლი: ველა 10′