ქეცბაიამ ევროჩემპიონატის შესარჩევი ეტაპის წილისყრის შედეგები შეაფასა

როგორც მოგეხსენებათ, 2016 წლის ევროპის ჩემპიონატის საკვალიფიკაციო ეტაპზე საქართველო D ქვეჯგუფში გერმანიის, ირლანდიის, პოლონეთის, შოტლანდიისა და გიბრალტარის ნაკრებებთან ერთად ითამაშებს.

ნიცაში გამართული წილისყრის შედეგები საქართველოს ნაკრების მთავარმა მწვრთნელმა თემურ ქეცბაიამ შეაფასა.

„ფავორიტი არის გერმანიის ნაკრები. შოტლანდია, პოლონეთი და ირლანდია ისეთი გუნდები არიან, რომლებიც ყოველთვის იბრძვიან იმისთვის, რომ ფინალურ ეტაპზე გავიდნენ. ადვილი თამაშები არ იქნება, მაგრამ ჩვენ ყველანაირად ვეცდებით, ვიბრძოლოთ მესამე ადგილისთვის. სასურველი იქნება, რომ პირველი ორი მატჩი თბილისში ჩავატაროთ“, – აღნიშნა ქეცბაიამ საზოგადოებრივი მაუწყებლისთვის მიცემულ ინტერვიუში.

პირველ შეხვედრას „ჯვაროსნები“ 7 სექტემბერს, შინ, ირლანდიის ნაკრების წინააღმდეგ გამართავენ.

ქვეჯგუფის სრული კალენდრის სანახავად გადადით ბმულზე: ევროჩემპიონატის შესარჩევი ეტაპი – ჩვენი ჯგუფის კალენდარი

ბექა დოგრაშვილი