ნევინი: „საქართველოს ნაკრების გოლის გამტანი არ ჰყავს“

როგორც მოგეხსენებათ, 2016 წლის ევროპის ჩემპიონატის საკვალიფიკაციო ეტაპზე საქართველო D ქვეჯგუფში გერმანიის, ირლანდიის, პოლონეთის, შოტლანდიისა და გიბრალტარის ნაკრებებთან ერთად ითამაშებს.

შოტლანდიის ნაკრების ყოფილმა ნახევარმცველმა პეტ ნევინმა „ბი-ბი-სისთვის“ მიცემულ ინტერვიუში დამდეგი მეტოქეების შესახებ ისაუბრა, საქართველოზე კი ასეთი რამ თქვა:

„საქართველოს ნაკრების შედეგებს თუ შეხედავთ, დაინახავთ, რომ ეს გუნდი ძალიან ცოტას იტანს, თუმცა თამაშის ჩაკეტვა ეხერხება.

მათ ნორმალური შედეგები აქვთ, ხანდახან უმაღლესი დონის გუნდებიც დიდი გაჭირვებით ამარცხებენ. ასე რომ, საქართველოს ნაკრებთან ძალიან რთული მატჩები გველის, განსაკუთრებით სტუმრად.

მიუხედავად ამისა, არა მგონია, რომ ეს გუნდი ისეთივე ძლიერი იყოს, როგორც რამდენიმე წლის წინათ. მათ არ ჰყავთ გოლის გამტანი მოთამაშე“.

ბექა დოგრაშვილი