ისტორია, სტატისტიკა, შანსები
ნიცაში გამართული წილისყრის შედეგად საქართველოს ეროვნული ნაკრები ევროპის 2016 წლის ჩემპიონატის საკმალიფიკაციო ეტაპზე გერმანიის, შოტლანდიის, ირლანდიის, პოლონეთის და გიბრალტარის გუნდებს დაუპირისპირდება.
მოგეხსენებათ, ევროპის პირველობის ფორმატის ცვლილებიდან გამომდინარე, საკვალიფიკაციო ჯგუფიდან ფინალურ ეტაპზე გასვლის შანსი სამ გუნდს აქვს.
გერმანია
გერმანიის ეროვნულ ნაკრებს ზედმეტი წარდგენა არ სჭირდება. ბუნდესნაკრები ჩვენი ჯგუფი აშკარა ფავორიტია და რთული წარმოსადგენია, რომ მას პირველობისთვის ბრძოლაში ვინმემ ხელი სერიოზულად შეუშალოს. ლიოვის გუნდი ჩვენი ჯგუფის კი არა, ბრაზილიაში გასამართი მუნდიალის მოგების ერთ-ერთი მთავარი პრეტენდენტია. ამასთან ერთად, ჯგუფში მეორე “დიდი გუნდის” არყოფნის პირობებში, გერმანელების დომინირება კიდევ უფრო აშკარა ჩანს.
ქართულ-გერმანული დაპირისპირებების ისტორია 3 მატჩს მოიცავს და 1995 წლიდან იწყება. ევროპის ჩემპიონატის შერაჩვები მატჩი თბილისში 29 მარტს გამართული დაპირისპირება გერმანელების დამაჯერებელი გამარჯვებთ, 2-0 დასრულდა. დუბლი იურგენ კლინსკმანმა გაიფორმა. გერმანიაში ჩატარებული შეხვედრა კი ბუნდესნაკრებმა 4-1 მოიგო. აღსანიშნავია, რომ საქართველოს ნაკრებიდან გოლის ავტორი თემურ ქეცბაია იყო.
საქართველოსა და გერმანიის ნაკრებების უკანასკნელი შეხვედრა 2006 წლის 7 ოქტომბერს, ქალაქ როსტოკში შედგა და მასპინძელთა გამარჯვებით დასრულდა – 2:0. გოლები ბასტიან შვაინშტაიგერმა და მიხაელ ბალაკმა გაიტანეს. იმ დროს ჩვენს ნაკრებს კლაუს ტოპმიოლერი წვრთნიდა.
შოტლანდია
შოტლანდიურ ფეხბურთს კარგი დრო არ უდგას. მიუხედავად ამისა, სკოტების ნაკრები, როგორც ყოველთვის, ბრძოლისუნარიანობით გამოირჩება. აღსანიშნავია, რომ შოტლანდიის საფეხბურთო ნაკრებში ევროპაში ერთ-ერთი ყველაზე ძველია. ისტორიული ცნობების მიხედვით, შოტლანდიელებმა პირველი მატჩი 1872 წლის 30 ნოემბერს ინგლისელების წინააღმდეგ ჩაატარეს. შეხვედრა ფრედ, 0-0 დასრულდა. მიუხედავად დიდი ისტორიისა, შოტლანდიელებს მნიშნველოვანი წარმატება არ ჰქონიათ. მსოფლიო ჩემპიონატზე მათ 8-ჯერ უთამაშია, ხოლო ევროპირველობაზე 2-ჯერ. თუმცა ბრიტანელებმა ჯგუფური ეტაპის დაძლევა ვერცერთ შემთხვევაში ვერ მოახერხეს.
ამ ეტაპზე შოტლანდია ფიფას რეიტინგში 34-ე პოზიციაზე იმყოფება. ნაკრების მთავარი მწვრთნელი ცნობილი შოტლანდიელი სპეციალისტი გორდონ სტრახანია.
ჯგუფში შოტლანდია ერთადერთი გუნდია, ვისთანაც დადებითი ბალანსი გვაქვს. გუნდების დაპირისპირების ისტორია ორ მატჩს ითვლის და ორივე შეხვედრა 2007 წელს გაიმართა. თბილისში საქარელოს ნაკრებამ ბრწინვალე სტილში დაამარცხა ბრიტანელები – 2:0. გოლები მჭედლიძემ და სირაძემ გაიტანეს. გლაზგოში გამართული დაპირისპირება კი, მასპინძების გამარგვებით – 2:1 დასრულდა. საქართველოს ნაკრებიდან თავი შორა არველაძემ გამოიჩინა.
ირალანდია
საკვალიფიკაციო ეტაპს საქართველოს ნაკრები თბილისში ირლანდიის გუნდთან შეხვედრით იწყებს.
ჩვენი მომავალი მეტოქის საშინაო არენად 2010 წელს გახსნილი “ავივა” ითვლება, რომელიც ქალაქ დუბლინში მდებარეობს. ევროპის ჩემპიონატის ფინალურ სტადიოზე ირლანდიელებს ორჯერ 1988 და 2012 წელს უთამაშიათ და ორივე შემთხვევაში ჯგუფური ეტაპის შემდეგ გამოეთიშნენ ასპარეზობას.
მუნდიალზე ირალანდიის გუნდი 3-ჯერ მოხვდა. საუკეთესო შედეგი 1990 წელს დაფიქსირდა, როდესაც ნაკრებმა 1/4 ფინალამდე მიაღწია. ამჟამად ირლანდიელებს მარტინ ო’ნილი წვრთნის და ფიფას რეიტინგში ისინი 67 ადგილზე იმყოფებიან.
სამწუხაროდ, ჩვენს ნაკრებს ირლანდიასთან არც თუ ისე კარგი ბალანსი აქვს. ხუთი ჩატარებული შეხვედრიდან ყველა საქართველოს ნაკრების მარცხით დასრულდა. ბურთების შეფარდება კი, 12-3-ზეა რა თქმა უნდა ირლანდიელების სასარგებლოდ.
პოლონეთი
პოლონეთის ისტორიულად ძლიერ ნაკრებს საუკეთესო პერიოდი ნამდვილად არ უდგას. 2012 წელს კრახით დასრულებულ საშინაო ევროპირველობას ბრაზილიური მუნდიალის გამოტოვებაც მოჰყვა. გასაკვირია, ვინაიდან პოლონელთა ნაკრებს შემადგენლობიდან გამომდინარე, რომლის ღირსებას მილანის, არსენალის, ბორუსიას და სხვა ძლიერი კლუბების ფეხბურთელები იცავენ, გაცილებით მეტის მიღწევა შეუძლია.
პოლონელებს მსოფლიო ჩემპიონატებზე 7-ჯერ უასპარეზიათ და საუკეთესო შედეგი მათთვის ბრინჯაოა, რომელიც 1974 და 1982 წლებში მოიპოვეს. ევროპირველობაზე მოხვედრა კი პოლონელებმა ორჯერ 2008 და 2012 წელს მოახერხეს, თუმცა ჯგუფური ეტპაის დაძლევა ვერც ერთ შემთხვევაში ვერ შესძლეს.
ურთიერთშეხვედრებში მცირე უპირატესობა პოლონელებს აქვთ. სამი ჩატარებული მატჩიდან მათ ორჯერ შესძლეს გამარჯვების მოპოვება. ისტორია 1997 წლიდან იწყება, როდესაც კატოვიცეში პოლონელებმა 4:1 დაგვამარცხეს. თუმცა, ამავე წელს თბილისში გამართული მატჩი ჩვენი ნაკრების გამარჯვებით, 3:0 დასრულდა.
უკრანასკნელი შეხვედრა კი, 2011 წელს ქალაქ ლიუბინში შედგა და პოლონეთის ნაკრების მინიმალური გამარჯვებით დასრულდა. ერთადერთი გოლი იაკუბ ბლაშიკოვსკის ანგარიშზეა.
გიბრალტარი
სანამ უშუალოდ გიბრალტარის ფეხბურთზე გადავიდოდეთ, ცოტა რამ ქვეყნის შესახებაც უნდა ითქვას. გიბრალტარი მდებარეობს იბერიის ნახევარკუნძულის სამხრეთით, გიბრალტარის სრუტესთან, რომელიც ატლანტის ოკეანეს ხმელთაშუა ზღვასთან აერთებს. ტერიტორიას ჩრდილოეთით ესაზღვრება ესპანეთი. გიბრალტარი ისტორიულად მნიშვნელოვანი სამხედრო ბაზა იყო ბრიტანელებისთვის და აქ დღესაც ბრიტანეტის საზღვაო ძალების ბაზა არის განლაგებული.
გაგიკვირდებათ და გიბრალტარის საფეხბურთო ნაკრების ისტორია 1923 წლიდან იწყება. სწროედ ამ წელს გიბრალტარელმა ფეხბურთელებმა ორი ამხანაგური მატჩი გამართეს ესპანურ “სევილიასთან” და ორივე შემთხვევაში მარცი იწვნიეს.
პირველი ტურნირი, რომელზეც გიბრალტარმა მიიღო მონაწილეობა 1993 წელს გამართული კუნძულების თამაშები იყო, სადაც ჩვენი მომავალი მოწინააღმდეგე მასპინძლის სტატუსით სარგებლობდა. დებიუტი წარუმატებელი გამოდგა და გიბრალტარის კრახით დასრულდა.
უეფაში გიბრალტარი 2013 წელს გაწევრიანდა და მომავალი წლიდან უკვე ოფიციალურ მატჩებსაც გამართავს. ბუნებრივია, რომ ჯგუფის ყველა გუნდს დებიუტანტთან 6 ქულა ფაქტობრივად განაღდებული აქვს.
ნაკრების შანსებზე საუბრისას, უნდა გავითვალისწინოთ ჯგუფის სიძლიერე. ბუენბრივია, გერმანიასთან თანაბრად ბრძოლის ილუზია არავის აქვს, თუმცა შოტლანდიის, ირალნდიის და პოლონეთის ნაკრები გუნდები, დაახლოებით თანაბარ ძალას წარმოადგენენ და მათთან თამაში ნამდვილად შეიძლება.
გასულ შესარჩევ ციკლში დავინახეთ, რომ ქეცვაიას ნაკრებმა შედეგზე თამაში იცის, ყოველ შემთხვევაში ცდილობს მაიმც. ახლა, მთავარია, რომ ეს შედეგი გამარჯვება გახდაეს, და არა ფრე, როგორც ეს ხშირ შემთხვევაში ხდებოდა.
