პრიმერა დივიზიონის პრევიუ
მადრიდული დერბი, “ბარსელონას” შეხვედრა აუტსაიდერთან და სევილიას ევროპული შანსი ესპანური პრიმერას 26-ე ტურის პრევიუში.
შეხვედრა აუტსაიდერთან
სან სებასტიანში განცდილი სენსაციური მარცხის შემდეგ “ბარსელონა” საკუთარ მოედანზე “ალმერიას” მიიღებს. თუმცა, აუსტაიდერთან შეხვედრაზე მეტად “ბარსას” გულშემატკივრები მადრიდში გასამართ დერბიზე ფიქრობენ, რომლის შემდეგ ესპანეთში შესაძლოა კვლავ სამხელისუფლიანობა დამყარდეს.
მასპინძლებს მომდევნო ტურის შეხვედრაში მხოლოდ ტრავმირებული ხორდი ალბა გამოაკლდებათ, ხოლო “ალმერია” კატალონიაში სრული შემადგენლობით ჩადის. ამ გუნდების პირველი წრის დაპირისპირება “ბარსას” დამაჯერებლი გამარჯვებით დასრულდა – 2:0.
სევილიას ევროპული შანსი
“რამონ სანჩეს პისხუანზე” “სევილია” “რეალ სოსიედადს” მიიღებს და გამარჯვების შემთხვევაში ევროზონას მიუახლოვდება. თუმცა ნათელია, რომ სან სებასტიანელებთან ამის გაკეთება ადვილი ნამდვილად იქნება. “სევილიას” საქმეს ისიც ურთულებს, რომ გუნდს ტრავმირებული მ’ბია და დისკვალიცირებული იბორა ვერ დაეხმარებიან. საკადრო პრობლემები “სოსიედადსაც” აქვს. სტუმრებს დე ლა ბელა, აგირეჩე და გრანერო დააკლდებიან.
“სევილიასა” და “სოსიედადის” პირველი წრის მატჩი ფრედ, 1-1 დასრულდა. საერთო ჯამში კი, პრიმერაშ 29 ჩატარებული შეხვედრიდან 11 სევილიელებმა მოიგეს, 8 შეხვედრა ფრედ დასრულდა ხოლო 10-ჯერ გამარჯვება “სოსიედადის” ფეხბურთელებმა იზეიმეს.
დაძაბული მადრიდული დერბი
ბოლო წლების ერთ-ერთი ყველაზე დაძაბული მადრიდული დერბი “ვისენტე კალდერონზე” გაიმართება. მართალია, “ატლეტიკო” უკანასკნელ პერიოდში ისეთი დამაჯერებელი აღარ არის, როგორც სეზონის სტარტზე, თუმცა მნიშვნელოვანი თამაშისთვის კონცენტრირება ნებსმიერ გუნდს შეუძლია.
თუმცა, ისიც გასათვალისწინებელია, რომ “რეალი” 2014 წელს შესანიშნავ ფორმაშია. ანჩელოტის გუნდი თამაშიდან თამაშამდე უმატებს და ისიც ჩანს, რომ მადრიდელებს ნესმიერ დროს აქვთ მომატების საშუალება.
აღსანიშნავია ისიც, რომ მოხდილი დისკვალიფიკაციის შემდეგ პრიმერას რონალდუც უბრუნდება. პორტუგალიელმა შუა კვირაში ჩემპიონთა ლიგაში შესანიშნავი მატჩი ჩაატარა და გერმანულ “შალკეს” ორი გოლიც გაუტანა. როგორც მოგეხსენებათ, “რეალმა” 6:1 გაიმაჯრვა და მომდევნო ეტაპზე ასპარეზობის უფლება პრაქტიკულად გაინაღდა, რაც მადრიდელებს პრიმერაზე მშვიდად ფიქრის საშუალებას აძლევთ.
28/02/14
01/03/14
02/03/14
03/03/14
