ბორჯღალოსნების ფრანგული შეკრება
2 მარტს ბორჯღალოსნები საფრანგეთში გაემგზავრნენ, სადაც ესპანეთის წინააღმდეგ გასამართი მატჩის წინ შეკრებას გადიან.
საქართველოს ნაკრების გამგზავრებამდე გამოქვეყნებულ 28 კაციან შემადგენლობაში ორი ცვლილების განხორციელება გახდა საჭირო. ბორჯღალოსნების ბურჯებმა დავით ზირაქაშვილმა და მიხეილ ნარიაშვილმა მცირე ტრავმები მიიღეს. დავით ზირაქაშვილმა კოჭი დაიზიანა, ხოლო მიხეილ ნარიშვილმა კი მუხლი. ორივე ტრავმა მსუბუქი ხასიათისაა და ორივე მოთამაშე დაახლოებით ერთ კვირაში ჩადგებიან მწყობრში. აქედან გამომდინარე, ნაკრების ხელმძღვანელობამ მათი დასვენება გადაწყვიტა.
ზირაქაშვილისა და ნარიაშვილის ნაცვლად, მილტონ ჰეიგმა შეკრებაზე ანტონ ფეიქრიშვილსა და კარლენ ასიეშვილს უხმო.
აღსანიშნავია, რომ კარლენ ასიეშვილმა ბორჯღალოსნების შემადგენლობაში ბოლოს 2012 წელს მადრიდში, ესპანეთის წინააღმდეგ ითამაშა.
ბორჯღალოსნები ფრანგული შეკრებიდან ესპანეთში 6 მარტს გაემგზავრებიან.
Rugby.GE
