ბუნდესლიგის მიმოხილვა

“ბორუსიას” რევანში მიუნხენში, წარმატებული სამწვრთნელო დებიუტი ლევერკუზენში და 5 ფაქტი ბუნდესლიგის 30-ე ტურის შესახებ.

სტუმრების გამარჯვება ცენტრალურში

ჩემპიონობის მოპოვების შემდეგ “ბაიერნი” შესამჩნევად მოეშვა. უკანასკნელ სამ შეხვედრაში მიუნხენელებმა მხოლოდ ერთი ქულის მოპოვება მოახერხეს. გვარდიოლამ “ბორუსიასთან” შემადგენლობაში ექსპერიმენტებს მოერიდა და დორტმუნდელების წინააღმდეგ ფაქტობრივად ყველა ძლიერმა მოთამაშემ იასპარეზეა. თუმცა, სრულმა მობილიზაციამ ჩემპიონებს ვერ უშველა. გენრიხ მხიტარიანმა, მარკო როისმა და იოჰან ჰოფმანმა მეტოქის კარში სამი უპასუხო გოლის გატანა მოახერხეს და დორტმუნდიდან ჩამოსულ 4500 ფანს დიდი სიხარული აჩუქეს.

სამბურთიანი სხვაობით “ბაიერნმა” ბოლოს 2008 წელს წააგო. “ვერდერთან” გამართული ის შეხვედრა 2:5 დასრულდა.

წარმატებული დებიუტი

საშა ლევანდოვსკის პირველი მატჩი “ლევერკუზენის” მთავარი მწვრთნელის პოსტზე წარმატებული აღმოჩნდა. “ბაიერის” თამაშში ფაქტობრივად არაფერი შეცვლილა, თუმცა გუნდმა გამარჯვების მოპოვება მოახერხა, რაც ფსიქოლოგიური თვალსაზრისით ძალიან მნიშვნელოვანია.

ლევერკუზენს ბერლინის “ჰერტა” სტუმრობდა, რომლის რიგებშიც ლევან კობიაშვილმა მატჩი ძირითადში დაიწყო. აღსანიშნავია, რომ ეს შეხვედრა ლევანისთვის ბუნდესლიგაში 350-ე იყო. თუმცა, ქართველმა საიუბილეო მატჩის გამარჯვებით აღნიშნვნა ვერ მაოხერხა. ლევერკუზენელებმა 2:1 გაიმარჯვეს.

5 ფაქტი 30-ე ტურის შესახებ

შტეფანს კისლინგმა  მე-40 წამზე “ჰერტას” კარში სეზონის ყველაზე სწრაფი გოლი გაიტანა.

“ჰოფენჰაიმის” და “აუგსბურგის” შეხვედრაში გუნდებმა 48 დარტყმა შეასრულეს, რაც სეზონის საუკეთესო მაჩვენებელია.

სეად სალიჰოვიჩმა ჯარიმიდან მე-10 გოლი გაიტანა. სალიჰოვიჩ ამ კომპონენტში ლიდერია.

მარკო როისმა “ბორუსიას” უკანასკნელ 9 გოლში მიიღო უშუალო მონაწილეობა.

ლევან კობიაშვილმა ბუნდესლიგაში 350-ე მატჩი ჩაატარა.

11/04/14

შალკე 2-0 აინტრახტი

გოლები: მეიერი 59′ ; ფარფანი 90′ 

12/04/14

გლადბახი 1-1 შტუტგარტი

გოლები: დიდავი 12′ (0:1); არანგო 89′ (1:1)

ჰანოვერი 2-1 ჰამბურგი

გოლები: შტიდლი 9′ (1:0); ჩალჰანოღლუ 48′ (1:1); ია კონანი 86′ (2:1)

ვოლფსბურგი 4-1 ნიურნბერგი

გოლები: ფოილნერი 8′ (0:1); ოლიცი 19′ (1:1); პერიშიჩი 22′ (2:1); მალანდა აჯე 69′ (3:1); პერიშიჩი 82′ (4:1)

ფრაიბურგი 2-0 ბრაუნშვაიგი

გოლები: ვრანჩიჩი 8′ (ს.კ.); შუსტერი 48′ 

მაინცი 3-0 ვერდერი

გოლები: პეტერსენი 5′ (ს.კ.); მორიცი 16′ ; მალი 39′ 

ბაიერნი 0-3 ბორუსია

გოლები: მხიტარიანი 20′ ; როისი’ ; ჰოფმანი 56′ 

13/04/14

ლევერკუზენი 2-1 ჰერტა

გოლები: კისლინგი 1′ (1:0); ბრანდტი 24′ (2:0); ვაგნერი 38′ (2:1)

ჰოფენჰაიმი 2-0 აუგსბურგი

გოლები: სალიგოვიჩი 19′ ; ვესტერგაარდი 41′