პრიმერა დივიზიონის მიმოხილვა

პრიმერა დივიზიონის გასულ ტურში ლიდერებმა ქულები სინქრონულად დაკარგეს, რაც ჩემპიონატში ინტრიგას კიდევ უფრო ზრდის. 

ორი მილიონი ლევანტეს? 

“ლევანტესა” და “ატლეტიკოს” შორის მატჩის წინ ესპანურ საფეხბურთო წრეებში გავრცელდა ხმები, თითქოს მადრიდის “რეალის” პრეზიდენმა ფლორენტინო პერესმა მასპინძლებს გამარჯვების შემთხვევაში ორ მილიონ ევროს გადაუხდიდა. შეესაბამება თუ არა ეს ინფორმაცია სიმართლეს, რთული სათქმელია.. ფაქტია, რომ “ლევანტე” აღნიშნულ შეხვედრაში შესანიშნავად გამოიყურებოდა და დამსახურებული გამაჯრვებაც მოიპოვა.

პირველი გოლი ფილიპე ლუისმა, რომელიც თავის დროზე “რეალის” კასტილიაში გამოდიოდა, საკუთარ კარში მატჩის დებიუტშივე ჩაჭრა. მეორე ტაიმში კი, საბოლოო ანგარიში ლამაზი კომბინაციის შემდეგ დავიდ ბარალმა დააფიქსირა.

ვალენსიას ქულა და რონალდუს შედევრი

მადრიდის “რეალი” საკუთარ მატჩს კარგ განწყობაზე ხვდებოდა. ანჩელოტის შეგირდებმა ორივე კონკურენტის წაფორხილებაზე იცოდა და “ბერნაბეუს” მოედანზე “ვალენსიას” თავდაჯერებულიც დახვდა. თუმცა, მოსაზრება იმის შესახებ, რომ ევროპა ლიგის შემდეგ “ვალენსია” დაშლილ მდგომარეობაში ეწვევოდა მადრიდს, მცარი აღმოჩნდა.

მატჩი ორმხრივ შეტევებში მიმდინარეობდა. ბუნებრივია, გარკვეულ უპირატესობას მასპინძლები ფლობდნენ, თუმცა ეს ტაბლოზე არ აისახა. “ვალენსია” მატჩის მსვლელობისას ორჯერ იგებდა. ჯერ მატიეს, შემდეგ კი პარეხოს გოლებით.

პირველ შემთხვევაში ანგარიში რამოსმა კრიშტიანუ რონალდუს გადაცემით გაათანაბრა. არბიტრის მიერ კომპენსირებულ დროში უკვე თავად პორტუგალიელმა გაიბრწყინა და ულამაზესი გოლით საკუთარ გუნდს ქულა მოუპოვა მნიშნველოვან მატჩში და “რეალი” საჩემპიონო რბოლაში დატოვა.

ბარსელონამ ხეტაფეს ვერ აჯობა

კატალონიური კლუბის ფეხბურთელებს მადრიდელების საკვირაო შედეგები რომ სცოდნოდათ, ალბათ “ხეტაფეს” უფრო სერიოზულად და მეტი პასუხისმგებლობით მოეკოიდებოდნენ.

თუმცა, მოტივაციის ნაკლებობას სტუმრები ნამდვილად არ უჩივიან. “ხეტაფეს” პრიმერაში მომდევნო სეზონშიც სურს ასპარეზობა და შესაძლოა გადარჩენისთვის ბრძოლაში სწორედ “ბარსელონაში” მოპოვებული ქულა გახდეს გადამწყვეტი.

მასპინძლები მატჩის მსვლელობისას ორჯერ იგებდნენ, მაგრამ ორივე შემთხვევაში ლაფიტამ ანგარიშის გათანაბრება მოახერხა.

02/05/14

რაიო ვალეკანო 0-3 ბილბაო

გოლები: სან ხოსე 20′ ; დე მარკოსი 30′ ; ანდერ ერერა 74′

03/05/14

ბარსელონა 2-2 ხეტაფე

გოლები: მესი 23′ (1:0); ლაფიტა 37′ (1:1); სანჩესი 67′ (2:1); ლაფიტა 90′ (2:2)

მალაგა 0-1 ელჩე

გოლი: გარი როდრიგესი 11′ 

ოსასუნა 0-2 სელტა

გოლები: ნოლიტო 20′ ; 34′ 

ვალიადოლიდი 1-0 ესპანიოლი

გოლი: რუკავინა 20′ 

04/05/14

ალმერია 3-2 ბეტისი

გოლები: ოსკარ დიასი 52′ (1:0); როდრიგესი 60′ (1:1); სალვა სევილია 71′ (1:2); ალექს ვიდალი 77′ (2:2); აზიზი 90′ (3:2)

ლევანტე 2-0 ატლეტიკო

გოლები: ფილიპე ლუისი 7′ (ს.კ); დავიდ ბარალი 69′ 

სევილია 0-0 ვილიარეალი

რეალი 2-2 ვალენსია

გოლები: მატიე 44′ (0:1); რამოსი 59′ (1:1); დანი პარეხო 65′ (1:2); კრისტიანუ რონალდუ 90′ (2:2)

05/05/14

სოსიედადი – გრანადა