პრიმერა დივიზიონის მიმოხილვა

ლიდერთა სიუპრიზები და მადრიდის “რეალის” გამოუყენებელი შანსი პრიმერა დივიზიონის 37-ე ტურის მიმოხილვაში.

ატლეტიკო – მალაგა

მადრიდელები “ვისენტე კალდერონზე” “მალაგას” მასპინძობდნენ, რომელიც წელს საკმაოდ არასტაბილურია, რაც მათ სატურნირო მდგომარეობაზეც აისახება. თუმცა, მიუხედავად ამისა სიმეონეს გუნდმა გამარჯვების მოპოვება ვერ მოახერხა.

ანგარიში 65-ე წუთზე სტუმრებმა სამუს გოლით გახსნესნ. “ატლეტიკო” 9 წუთში შესძლო გათანაბრება. ხოსე სოსას პასით გოლი ალდერვეირელდმა გაიტანა. დარჩენილ დროში მადრიდელები უტევდა, მაგრამ გოლის გატანა ვერ მოახერხეს და უკვე ზედიზედ მეორე ტურია გამაჯრვების გარეშე დატოვეს მოედანი.

მატჩი საკმაოდ უხეში გამოდგა. შეხვედრის მთავარმა არბიტრმა ხოსე ტეიშეირამ მოთამაშეებს 8 ყვითელი და ერთი წითელი ბარათი უჩვენა. სტუმრები 88-ე წუთზე უმცირესობაში დარჩნენ.

ელჩე – ბარსელონა

“ატლეტიკოს” წაფორხილებით ვერ ისარგებლა “ბარსელონამ”. ტატა მარტინოს გუნდი ელჩეს სტუმრობდა. ადგილობრივი გუნდი პრიმერაში ადგილის შესანარჩუნებლად იბრძვის. საინტერესოა, რომ ფრან ესკრიბას შეგირდებმა სწორედ გუშინდელ შეხვედრაში მოახერხეს ამ მიზნის შესრულება.

შეხვედრა სტუმართა უპირატესობით წარიმართა, თუმცა გოლის გატანა კატალონიელებმა ვერ შესძლეს. მატჩის ერთ-ერთი ყველაზე დასამახსოვრებელი მომენტი პინტოს დრიბლინგი გახდა. დასწრებაზე მოთამაშე მეკარე საჯარიმოდან გამოვიდა და მეტოქე გუნდის ორი მცველის მოტყუების შემდეგ თანაგუნდელს გადასცა გადაცემა.

საბოლოოდ უგოლო ფრე და “ბარსელონა” ბოლო ტურში “ატლეტიკოსთან” გამარჯვების შემთხვევაში ჩემპიონობას იზეიმებს.

სელტა – რეალი

საჩემპიონო რბოლაში ჩართვის შესანიშნავი შესაძლებოლბა გაუშვა ხელიდან მადრიდის “რეალმა”. სამეფო კლუბი გასულ ტურში ქალაქ ვიგოს სტუმრობდა, სადაც ადგილობრივ “სელტას” დაუპირისპირდა და მოულოდნელად ორბურთიანი სხვაობითაც დამარცხდა.

მატჩის ბედი ჩარლსმა გადაწყვიტა, რომელმაც დუბლი 43-ე და 63-ე წუთებზე გაიფორმა. აღსანიშნავია, რომ ანჩელოტიმ შემადგენლობაში მცირე კორექტივები შეიტანა. ძირითადში დაიწყეს კასემირომ და ნაჩომ. მოედანს სამი ხედირაც დაუბრუნდა.

ამ მარცხით “რეალმა” ჩემპიონობის თეორიული შანსიც დაკარგა. მადრიდული კლუბის მაქსიმუმი მეორე პოზიციაა.

10/05/14

ვილიარეალი 4-0 რაიო ვალეკანო

გოლები: უჩე 22′ ; ბრუნო 42′ ; პერეირა 55′ ; ხუანმე კოსტა 64′ 

ლევანტე 2-0 ვალენსია

გოლები: ანხელი 70′ ; ივანშიცი 81′

11/05/14

ბილბაო 1-1 სოსიედადი

გოლები: მუნიაინი 50′ (1:0); აგირეჩე 75′ (1:1) 

ატლეტიკო 1-1 მალაგა

გოლები: სამუ 65′ (0:1); ალდერვეირელდი 74′ (1:1)

ელჩე 0-0 ბარსელონა

ხეტაფე 1-0 სევილია

გოლი: სერხიო ესკუდერო 70′ 

გრანადა 0-2 ალმერია

გოლები: ვერსა 19′ ; ალექს ვიდალი 83′ 

ბეტისი 4-3 ვალიადოლიდი

გოლები: ხავი გერა 1′ (0:1); პენია 6′ (ს.კ. 1:1); პენია 51′ (1:2); ხორხე მოლინა 54′ (2:2); ხავი გერა 59′ (2:3); რუბენ კასტრო 76′ (3:3); ხუანფრან 90′ (4:3)

ესპანიოლი 1-1 ოსასუნა

გოლები: კოლოტო 21′ (1:0); აკუნია 44′ (1:1)

სელტა 2-0 რეალი

გოლები: ჩარლსი 43′ ; 63′