ჩემპიონთა ლიგის 2013-14 წლების სეზონის სიმბოლური გუნდი

უეფას ტენიკურმა ჯგუფმა ჩემპიონთა ლიგის 2013-14 წლების სეზონის სიმბოლური გუნდი დაასახელა.

უეფას ტექნიკური ექსპერტები ფინალის შემდეგ შეიკრიბნენ, რათა თავად გადამწვეტი მატჩი და პლეი-ოფის სტადიაზე შენიშნული ტენდენციები განეხილათ, დაესახელებინათ წლის სიმბოლური გუნდი და წლის საუკეთესო გოლი. ტექნიკური ჯგუფის შეხვედრის თავმჯდომარეები სამწვრთნელო საკითხებში უეფას ელჩი ალექს ფერგიუსონი და სამეცნიერო-მეთოდურ მუშაობაში უეფას უფროსი მრჩეველი იოან ლუპესკუ გახლდათ. ტექნიკური ანგარიში სექტემბერში გამოქვეყნდება.

ჩემპიონთა ლიგის 2013-14 წლების სეზონის 18-კაციანი სიმბოლური გუნდი ასე გამოიყურება:

მეკარეები: ტიბო კურტუა („ატლეტიკო“), მანუელ ნოიერი („ბაიერნი“);
მცველები: დიეგო გოდინი („ატლეტიკო“), ფილიპ ლამი („ბაიერნი“), დანიელ კარვახალი („რეალი“), პეპე („რეალი“), სერხიო რამოსი („რეალი“);
ნახევარმცველები: გაბი („ატლეტიკო“), ანდრეს ინიესტა („ბარსელონა“), ტონი კროოსი („ბაიერნი“), ანხელ დი მარია („რეალი“), ლუკა მოდრიჩი („რეალი“), ჩაბი ალონსო („რეალი“);
თავდამსხმელები: მარკო როისი („ბორუსია“), დიეგო კოსტა („ატლეტიკო“), არიენ რობენი („ბაიერნი“), ზლატან იბრაჰიმოვიჩი („პარი სენ-ჟერმენი“), კრიშტიანუ რონალდუ („რეალი“).

ბექა დოგრაშვილი