ლუის ენრიკეს გადაუდებელი ოპერაცია გაუკეთეს
თარიღი: ივნისი 9, 2014
„ბარსელონას“ მთავარ მწვრთნელ ლუის ენრიკეს დღეს დილით მწვავე აპენდიციტის დიაგნოზი დაუსვეს და ბარსელონას ერთ-ერთ კლინიკაში მოათავსეს. აპენდიციტი ბრმა ნაწლავის დანამატის – ჭიანაწლავის ანთებაა.
ფეხბურთის ესპანელმა სპეციალისტმა გადაუდებელი ოპერაცია უკვე გაიკეთას.
ლუის ენრიკეს ჭიანაწლავი ამოკვეთეს, ქირურგიულმა ჩარევამ წარმატებით ჩაიარა. პაციენტს საავადმყოფოდან უახლოეს დღეებში გამოწერენ, თუმცა აღდგენითი პროცესი როდის დასრულდება, ეს უცნობია.
აღსანიშნავია, რომ „ბარსელონა“ ახალი სეზონისთვის მზადებას 14 ივლისს იწყებს და აღნიშნულ დღემდე ლუის ენრიკემ სრულად უნდა მოასწროს გამოჯანმრთელება.
ლუის ენრიკე კატალონიური გუნდის მთავარი მწვრთნელის პოსტზე ამა წლის 21 მაისიდან მუშაობს. მხარეებს შორის ორწლიანი კონტრაქტია გაფორმებული.
ბექა დოგრაშვილი
მსგავსი სიახლეები