სატრანსფერო ნიუსები
ზაფხულის სატრანსფერო ფანჯარა, უკვე 9 დღეა, რაც გახსნილია და გუნდები აქტიურად აწარმოებენ მოლაპარაკებებს ერთმანეთთან.
განხორციელდა რამდენიმე საინტერესო ტრანსფერიც. მაგალითად, დავიდ ვილა “ატლეტიკოდან” წავიდა, დავიდ ლუიზი “პარის სენტ ჟერმენში” გადავიდა, ალექსი “მილანმა” მიიწვია და ა.შ.
გთავაზობთ, ტრანსფერებს, რომლებიც შესაძოა განხორციელდეს მომავალი სამი თვის განმავლობაში
“ბარსელონა” 60 მილიონს იხდის
კიდევ ერთი ინფორმაცია გავრცელდა ლუის სუარესის ტრანსფერზე. უკანასკნელი ცნობებით, კატალონიური გუნდი 60 მილიონ ფუნტს იხდის ურუგვაელი ფორვარდის სანაცვლოდ. ცნობისთვის, თავდაპირველად “ლივერპულმა” 80 მილიონი მოითხოვა სუარესის სანაცვლოდ.
ნასტასიჩი არ იყიდება
ზაფხულში, “მანჩესტერ სიტი” ნასტასიჩის გაყიდვას არ გეგმავს. ბრიტანელები წერენ, რომ “სიტი” ახალი მცველის ძიებაშია, თუმცა ამის მიუხედავად ისინი, ნასტასიჩის გაყიდვას მაინც არ აპირებენ. ცნობისთვის, მანუელ პელეგრინიმ უკვე გაუშვა ჯოლეონ ლესკოტი და ის ამჟამად მისი შემცვლელის ძიებაშია, რომელმაც შესაძლოა ნასტასიჩი ძირითადი შემადგენლობიდან ამოაგდოს.
ევრა “იუვენტუსში”?
შესაძებელია, პატრის ევრამ “მანჩესტერ იუნაიტედი” დატოვოს და იტალიაში, კერძოდ კი “იუვენტუსში” გადავიდეს. ზაფხულში, ლუი ვან გაალმა ლუკ შოუ დაიმატა და სავარაუდოდ, ფრანგი მცველი ძირითადი შემადგენლობიდან ამოვარდება. ეს ფაქტი არ ხიბლავს ევრას, რის გამოც ინგლისის დატოვებას აპირებს.
ლუკაკუ “ატლეტიკოში”?
მადრიდის “ატლეტიკო” რომელუ ლუკაკუსთან აწარმოებს მოლაპარაკებებს და სურს, რომ იგი ერთ წლიანი იჯარით ინათხოვროს. ზაფხულის სატრანსფერო ფანჯრის დროს, მადრიდულმა გუნდმა ორი ფორვარდი გაუშვა და ახლა ისინი სწორედ ამ პოზიციის აღმოფხვრას ცდილობენ. ლუკაკუს გარდა, დიეგო სიმეონეს ალვარო ნეგრედოც სურს.
კროოსი “რეალში?
დღეს, ცნობილი გახდა, რომ მადრიდის “რეალი” 25 მილიონი ევროს გადახდას აპირებს ტონი კროოსის სანაცვლოდ. ესპანელები იმასაც წერენ, რომ “ბაიერნი” თანახმაა ამ ფასად გაუშვას გერმანელი ნახევარმცველი.
ეშლი კოული “რომაში”?
ზაფხულში, “ჩელსის” მცველი, ეშლი კოული შესაძლოა “რომაში” აღმოჩნდეს. ჟოზე მოურინიოს ლონდონში დაბრუნების შემდეგ, ინგლისელი მცველი ძირითადი შემადგენლობიდან ამოვარდა, რაც უარყოფითად აისახა მის კარიერაზე. ვრცელდებოდა ინფორმაცია, რომ შესაძლოა კოულს კარიერა დაესრულებინა, თუმცა თავად ფეხბურთელს სურს, რომ კვლავ ითამაშოს ფეხბურთი.
“არსენალსა” და “ლივერპულს” ჰუნტელაარის ყიდვა სურთ
ზაფხულში, კლას იან ჰუნტელაარის ყიდვას ორი კლუბი შეეცდება. “არსენალი” და “ლივერპული” ერთმანეთს შეეცილებიან ჰოლანდიელი ფორვარდის სანაცვლოდ. გავრცელდა ინფორმაცია, რომ ლუის სუარესი მერსისაიდულ გუნდს ტოვებს, ბრენდან როჯერსი კი მისი შემცვლელის ძიებაშია. ამავდროულად, “არსენალსაც” ესაჭიროება თავდამსხმელი. გუნდი მხოლოდ ოლივიერ ჟიურს იმედზეა.
“არსენალი” ხედირას სანაცვლო 30 მილიონს იხდის
ლონდონის “არსენალის” მთავარი მწვრთნელი, არსენ ვენგერი 30 მილიონის გადახდას აპირებს სამი ხედირას სანაცვლოდ. გერმანელმა ფეხბურთელმა 2013-2014 წლების სეზონი არც თუ ისე დამაჯერებლად ჩაატარა, რის გამოც შესაძლოა “რეალმა” გაუშვას ის ამ თანხის სანაცვლოდ. ცნობისთვის, უკვე რამდენიმე კვირაა, რაც “არსენალსა” და “რეალს” შორის მიმდინარეობს მოლაპარაკებები, გერმანელი ფეხბურთელის თაობაზე.
