საბელა: “არგენტინამ ისტორია დაწერა”

ალეხანდრო საბელამ გუშინდელი მატჩის შემდეგ განაცხადა, რომ მისმა გუნდმა უკვე დაწერა ისტორია.

მსოფლიო ჩემპიონატის 1/2 ფინალურ მატჩში არგენტინელებმა ჰოლანდიის ნაკრები თერთმეტმეტრიანების სერიაში დაამარცხეს.

“უზომოდ ვარ გახარებული და ამისთვის არაერთი მიზეზი მაქვს. მიხარია, რომ გუნდი ფინალში გავიდა და ამისთვის ყველამ მაქსიმუმი გაიღო.

ეს ყველაფერი არგენტინელ ხალხს ეძღვნება, რომლებიც ბოლომდე გვქომაგობდნენ ტრიბუნებიდან და ტელევიზორებიდანაც.

ჩვენ, მსოფლიო ჩემპიონატის ფინალში ვართ და ეს უდიდესი მიღწევაა. არგენტინის ამ გუნდმა ისტორია დაწერა და ეს არასდროს იქნება დავიწყებული”, – განაცხადა საბელამ.