ბურჯანაძის 21 ქულამ და 19 მოხსნამ 20-წლამდელთა ნაკრებს ფინეთან ვერ უშველა
საქართველოს 20-წლამდელთა ნაკრებმა ევროპის ჩემპიონატის „ბ“ დივიზიონში ასპარეზობა მარცხით დაიწყო. დავით უსტიაშვილის გუნდი სადებიუტო მატჩში ფინეთს შეხვდა და 56:75 წააგო.
ქართველებმა ბოლო მეოთხედი 10 ქულით (9:19) დათმეს და საბოლოოდ დიდი სხვაობითაც იმიტომ წააგეს. ბოლო მეოთხედამდე კი შედარებით თანაბარი თამაში მიმდინარეობდა. ჩვენს ნაკრებში გამოირჩეოდა ბექა ბურჯანაძე, რომელმაც საბოლოოდ მატჩის საუკეთესო შედეგი დააფიქსირა. ბურჯანაძემ საბოლოოდ 21 ქულა და 19 მოხსნა მოაგროვა.
პირველი მეოთხედი ფინელებმა 22:15 მოიგეს, მეორე პერიოდშიც თითქმის ასეთი ანგარიში დაფიქსირდა – 22:17. დიდი შესვენების შემდეგ ქართველებმა თამაში გამოასწორეს და მესამე ათწუთეულში 15:12 იმარჯვეს. ბოლო პერიოდში უფრო მობილურად მოთამაშე ფინელებმა მატჩზე კონტროლი დაამყარეს და საბოლოოდ 19 ქულის სხვაობით გაიმარჯვეს.
ბექა ბურჯანაძის გარდა ქართველთაგან საკუთარი მონაგარი ორციფრიანი რიცხვით ვერავინ გამოხატა. 8 ქულა დააგროვა ირაკლი მიქელაძემ, 6 – სანდრო სანაძემ, ხოლო ლერი კვანტალიანმა და ნოდარ გოგოძემ პირად ანგარიშზე 5-5 ქულა ჩაიწერეს.
ევროპის ჩემპიონატი. B დივიზიონი. ბოსნია. 10 ივლისი
საქართველო 56:75 ფინეთი
15:22, 17:22, 15:12, 9:19
საქართველო: ბურჯანაძე (21ქ, 19მ), ბოლქვაძე (1), ლილუაშვილი, ტომარაძე (2), გოგოძე (5), მიქელაძე (8ქ, 5პ), კვანტალიანი (5ქ, 7მ), ცირეკიძე, აბულაძე (4), სანაძე (6), მირზიაშვილი (4)
gbf.ge
