საქართველოს 3X3 საკალათბურთო ნაკრებს ევროპის ჩემპიონატამდე 1 ჩაგდებული ბურთი დააკლდა
3X3 კალათბურთში საქართველოს ეროვნული ნაკრებს ერთი ჩაგდებული ქულა დააკლდა ევროპის ჩემპიონატის საგზურამდე. ქართველებს საგზურის მოპოვება მეოთხედფინალში რუმინეთის ძლევით შეეძლოთ, თუმცა დაძაბულ ბრძოლაში ქართველებმა ეს გადამწყვეტი მატჩი 17:21 დათმეს.
რუმინეთი ევროპის ჩემპიონატის ფინალური ეტაპის მასპინძელია და შესაბამისად, კონტინენტის პირველობაზე მონაწილეობა გარანტირებული აქვს. საქართველოს ძლევით რუმინელები მეოთხედფინალში გავიდნენ, ხოლო ევროპის ჩემპიონატის საგზური რუმინეთის ნაცვლად ამსტერდამის საკვალიფიკაციო ტურნირის მე–5 საუკეთესო გუნდს უნდა გადასცემოდა.
მე–5 ადგილზე გასული გუნდი მეოთხედფინალში დამარცხებული გუნდებიდან – საქართველო, ანდორა, შვედეთი, ჰოლანდია – უნდა გამოვლენილიყო. უპირატესობა მიმდინარე ტურნირზე ნაჩვენებ შედეგებს ენიჭებოდა და ამ მხრივ საუკეთესო შედეგი ანდორას აღმოაჩნდა. ოღონდ, ყველაფერი ერთმამა ჩაგდებულმა ქულამ გადაწყვიტა. რომ დაიანგარიშეს, აღმოჩნდა, რომ ქართველებს 1 ქულით მეტი რომ ჰქონოდა გასულ მატჩებში ჩაგდებული, ფინალური ეტპის საგზურს მოიპოვებდა.
ასე დასანანად დარჩა საქართველო ევროპის ჩემპიონატის ფინალური ეტაპის მიღმა, რომელიც 5–7 სექტემბერს რუმინეთის დედაქალაქ ბუქარესტში გაიმართება.
საქართველოს მძლეველი რუმინეთი ფინალში გავიდა, სადაც აზერბაიჯანის ნაკრებს შეხვდა. ცნობისთვის, აზერბაიჯანის ღირსებას ქართველი კალათბურთელი, გასულ სეზონში “ქუთაისის” შემადგენლობაში საქართველოს ჩემპიონატის ვერცხლის პრიზიორი, დავით ბარბაქაძე იცავს. აზერბაიჯანმა საკმაოდ იოლად – 21:8 სძლია რუმინელებს და ამსტერდამის ტურნირის გამარჯვებული გახდა.
