“დინამო თბილისის” 19 წლამდე გუნდმა რურის თასი მოიგო
“დინამო თბილისის” U-19 გუნდი რურის თასის გათამაშების ჩემპიონია.
დღეს ფინალურ მატჩში კახი გოგიჩაიშვილის შეგირდები თურქულ გალათასარაის დაუპირისპირდნენ. შეხვედრის 44- ე წუთზე ანგარიში არჩილ მესხმა გახსნა, თუმცა სტამბულელებმა ერთ წუთში გაათანაბრეს. თბილისელებს ჰქონდათ კიდევ რამდენიმე საგოლე ეპიზოდი, მაგრამ ანგარიში 1:1 აღარ შეცვლილა და დაინიშნა მატჩისშემდგომი პენალტების სერია. დინამოელებმა გადამწყვეტი დარტყმები უფრო ზუსტად შეასრულეს. სამხარაძემ, მესხმა და კობახიძემ გატანილი პენალტებით გამოიჩინეს თავი. ჩვენი გუნდის მეკარემ- გიორგი კულუამ მეტოქის დარტყმული ორი პენალტი მოიგერია და საბოლოოდ თბილისელებმა 3:2 აჯობეს “გალათასარაის”.
მესამე ადგილზე მიუნხენგლადბახის “ბორუსია” გავიდა, რომელმაც “ვიქტორია პლზენს” 2:0 აჯობა.
“დინამო”: კულუა, კაპანაძე, ჯაფიაშვილი, ლოჩოშვილი (ნემსაძე 41), სამხარაძე, ქიქავა, კობახიძე, ვეკუა (კვერნაძე 60), ლაშხია (მაჭავარიანი 41), ვოლკოვი, მესხი.
“დინამოს” ოფიციალური ვებგვერდი
