დღის 5 სატრანსფერო ჭორი
სატრანსფერო ფანჯრის დახურვამდე სულ უფრო ცოტა დრო რჩება, გუნდები კი ბოლო შენაძენებს ანხორციელებენ.
შურლე ჩელსის არ დატოვებს
“ჩელსის” ფორვარდმა ანდრე შურლემ განცხადა, რომ ლონდონურ კლუბს არ დატოვებს.
“ჩელსიში” ბედნიერი ვარ. ეს სწორედ ის ადგილია, სადაც მე თამაში მსურს” – განაცადა გერმანელმა.
მილანი ჯემაილის არ ეშვება
“მილანი” “ნაპოლიდან” ბლერიმ ჯემაილის შეძენას ცდილობს. მილანურ კლუბში გადასვლა თავად ფეხბურთელსაც სურს, რომელიც სხვა წინადადებებზე უარს ამბობს. თუმცა, ტრანსფერს ფეხბურთელის ფასი ართულებს, რომელზეც კლუბები ჯერჯერობით ვერ თანხმდებიან.
ტოტენჰემმა შნეიდერლინი 21 მილიონად ვერ იყიდა
“საუთჰემპტონმა” შნეიდერლინის გადაბირებასთან დაკავშირებით “ტოტენჰემის” წინადადებაზე უარი განაცხადა. რონალდ კუმანის განცხადებით, “საუთჰემპტონი” ფეხბურთელი შენარჩუნებას აპირებს.
ბენფიკას კარნეზისი არ სჭირდება
ლისაბონის “ბენფიკამ” საბერძნეთის ნაკრების და “უდინეზეს” მეკარის ორესტის კარნეზისის ყიდვა გადაიფიქრა. აღნიშნული გადაწყვეტილება პორტუგალიური გრანდის მთავარმა მწვრთნელმა მიიღო.
რიისე ასტონ ვილას ელაპარაკება
გამოცდილი ნორვეგიელი მცველი იონ არნე რიისე მოლაპარაკებებს ბირმიგემის “ასტონ ვილასტან” აწარმოებს. 33 წლის თავისუფალი აგენტის სტატუსის მქონე ფეხბურთელმა ინფორმაცია თავად დაადასტურა.
