“ზესტაფონმა” გიორგი ილურიძე დაიმატა

იმერელთა რიგებს კიდევ ერთი ფეხბურთელი შეუერთდა – 22 წლის ახალწვეულის სახელია გიორგი ილურიძე. ახალგაზრდა თავდამსხმელმა, რომელსაც გორის “დილაში”, ხორვატულ “ჰაიდუკში”, ბოლოს კი კვიპროსულ “ერმისში” უასპარეზია, “ზესტაფონთან” შრომითი ხელშეკრულება მიმდინარე სეზონის ბოლომდე გააფორმა.

ორიოდე სიტყვით მოგახსენებთ მარგველთა ახალწვეულის შესახებ: გიორგი ილურიძე – თავდამსხმელი; დაბადებულია – 20.02.1992; სიმაღლე – 180 სმ, წონა – 70 კგ.

საფეხბურთო კლუბ ”ზესტაფონთან” კონტრაქტის გაფორმებამდე ასპარეზობდა შემდეგ კლუბებში: ”დინამო” (თბილისი) – 2001-2010; ”ანჟი” (მახაჩკალა, რუსეთი) – 2010-2011; ”დილა” (გორი) -2012-2013; ”ჰაიდუკუ” (სპლიტი, ხორვატია) -2013-2014; “ერმისი” (არადიპუ, კვიპროსი) – 2014.
თბილისის “დინამოს” ახალგაზრდულ გუნდში ჩატარებული წარმატებული მატჩების შემდეგ, გიორგი ილურიძე მახაჩკალის “ანჟიში” გადავიდა. დებიუტი რუსულ პრემიერ-ლიგაში 18 წლის ასაკში მოსკოვის “სპარტაკის” წინააღმდეგ გამართულ შეხვედრაში ჰქონდა.

ამის შემდეგ გიორგი გადავიდა გორის “დილაში”, რომლის შემადგენლობაშიც მან ევროპული კომპანიის რამდენიმე მატჩში წარმატებით იასპარეზა. ახალგაზრდა თავდამსხმელის შემდეგი კლუბი ხორვატიის უამღლესი ლიგის წარმომადგენელი, სპლიტის “ჰაიდუკი” გახლდათ. ბოლოს კი ფეხბურთელი კვიპროსულ “ერმისში” ირიცხებოდა.

გიორგი ილურიძეს საქართველოს 19 და 21 წლამდე ფეხბურთელთა ნაკრებ გუნდებშიც წარმატებით და შედეგიანად უასპარეზია.

საფეხბურთო კლუბ ”ზესტაფონის” პრეს-სამსახური