ბასტია ბორდოს მეტოქის ფორმებით ეთამაშა

საფრანგეთის ჩემპიონატის მორიგი ტურის მატჩში, რომლის ფარგლებშიც ერთმანეთს “ბორდო” და “ბასტია” ხვდებოდნენ, კომიკური სიტუაცია შეიქმნა.

სტუმართა მხარემ მატჩზე გასვლითი ფორმის მხოლოდ ერთი კომპლექტი ჩამოიტანა, რომელიც “ბორდოს” საშინაო ფორმის ფერებში იყო გადაწყვეტილი. გასაკვირი არაა, რომ შეხვედრის მთავარმა არბიტრმა “ბასტიას” აღნიშნული ფორმებით თამაშის უფრლება არ მისცა და სტუმრებსაც “ბორდოს” სავარჯიშო ფორმით მოუწიათ მოედანზე გასვლა. სავარჯიშო ფორმებზე მხოლოდ ნომერი იყო მითითებული. ზოგ მოთამაშეს კი ნამდვილად არ ეცვა თავისი ზომის მაისურები. საინტერესოა ისიც, რომ შორტები და მაისურები სხვადასხვა კომპანიების ნაწარმი იყო.

აღნიშნული მატჩი ფრედ, 1:1 დასრულდა და მას არც სამსაჯო სკანდალის გარეშე ჩაუვლია.