გახდი Fanebi.Com-ის ჟურნალისტი!
სპორტული ვებ-გვერდი Fanebi.Com-ი იწყებს ახალ პროექტს. საიტზე სიახლეების გამშუქებლების კონკურსი ეწყობა. მონაწილეები სამი კვირის მანძილზე საიტზე თავიანთ დაწერილ პუბლიკაციებს გამოაქვეყნებენ, რის შემდეგაც მათგან საუკეთესო ჩვენს პორტალზე მუშაობას გააგრძელებს და ყოველთვიური ბონუსური სისტემით მცირე გასამრჯელო დაენიშნება. მონაწილეების მთავარი მოვალეობაა სპორტული ახალი ამბების წერა (ერთი პუბლიკაცია მინიმუმ 70 სიტყვისგან უნდა შედგებოდეს). კონკურსში მონაწილეობის მისაღებად აუცილებელია წინასწარ ერთი სტატიის გამოგზავნა. მონაწილეობის მსურველთა ჩაწერა გაგრძელდება 4 დღის განმავლობაში (5 სექტემბრამდე). მონაწილეთა შესარჩევი სტატიები მიიღება Fanebi.Com-ის ფეისბუქის გვერდზე შეტყობინების სახით. გასათვალისწინებელია, რომ კარგი მუშაობისა და საიტის გუნდში ინტეგრაციის შემთხვევაში, შესაძლებელია აღნიშნული პირის კიდევ უფრო დატვირთვა (მატჩებზე, პრესკონფერენციებზე, სპორტულ მოვლენებზე აკრედიტირება). ასე რომ, Fanebi.Com-ი გაძლევთ კარგ შანსს, დაიწყოთ სპორტული ჟურნალისტის კარიერა აქ, ჩვენს პორტალზე.
მონაწილეთა სავალდებულო მოთხოვნები:
– სპორტის კარგი ცოდნა;
– ქართული ენის კარგი ცოდნა
– უცხოური ენის ფლობა (თარგმნის უნარი);
– ოპერატიულობა;
– ყურადღებიანობა;
– პასუხისმგებლობის გრძნობა.
საუკეთესო მონაწილე შემდეგი წესით აირჩევა:
- ყოველი კვირის ბოლოს პუბლიკაციების რაოდენობის მიხედვით გამოვლინდება სამი საუკეთესო კონკურსანტი, რომლებსაც I-II-III ადგილების შესაბამისად დაეწერებათ 3, 2 და 1 ქულა.
- ადმინისტრაციის სიმპათია – 2 ქულა (ადმინისტრაციის სიმპათია კონკურსის დასრულების შემდეგ გამოვლინდება და შესაბამისი ქულა დაეწერება).
თანაბარი ქულების დაგროვების შემთხვევაში, ჩატარდება დამატებითი ტური, ან გამარჯვებულის ვინაობას საიტის ადმინისტრაცია გადაწყვეტს.
დამატებითი შეკითხვებისთვის მოგვწერეთ ჩვენი პორტალის ფეისბუქის ოფიციალურ გვერდზე: Fanebi.Com-ის ფეისბუქის გვერდი
