ჩიჩარიტო: “მსოფლიოს საუკეთესო ფეხბურთელი რონალდუა”

მადრიდის “რეალის” ახალწვეულმა ჩიჩარიტომ ახალ კლუბზე ისაუბრა და მსოფლიოს საუკეთესო მოთამაშეც დაასახელა.

“კარიმ ბენზემას დონის ფორვარდთან კონკურენცია მახარებს. “მანჩესტერში” ძირითადისთვის დიმიტარ ბერბატობრთან, უეინ რუნისთან და რობინ ვან პერსისთან ვიბრძოდი. ასე რომ, კონკურენცია არ მაშინებს.

არ მიყვარს, როცა სხვა ფეხბურთელს მადარებენ. თითოეული მოთამაშე ინდივიდუალურია და გუნდის თამაშში გარკვეული სიახლე შეაქვს. რაც შეეხება ბენზამას, ის ნამდვილად გამორჩეული, მრავალფეროვანი მოთამაშეა, რომელსაც ბევრი გოლის გატანა და საგოლე გადაცემების შესრულება შეუძლია.

მსოფლიოს საუკეთესო მოთამაშე? ჩემი აზრით ეს რონალდუა, მის შემდეგ კი მესია.