პრიმერა: მეექვსე ტურის პრევიუ
ესპანეთის მეექვსე ტურში რამდენიმე საკმაოდ საინტერესო მატჩი გველის.
ატლეტიკო – სევილია
ტურის მთავარი შეხვედრა მადრიდში შედგება, სადაც მოქმედი ჩემპიონი “ატლეტიკო” წლევანდელი გათამაშების ერთ-ერთ ლიდერს უმასპინძლებს. ანდალუსიელებმა გასულ ტურში “სოსიედადთან” საკმაოდ კარგი მატჩი ჩაატარეს, თუმცა ნამდვილი გამოცდა მათ მადრიდში ელით.
“ატლეტიკო” წელს შარშანდელივით დამაჯერებელი ვერ არის. მართალია, სიმეონეს გუნდმა “რეალი” დაამარცხა, მაგრამ იყო “ეიბართან” და “ალმერიასთან” ჩატარებული უსახური შეხვედრებიც. მადრიდელებს საკადრო პრობლემებიც აქვთ. მანუჯიკიჩის ტრავმამ გუნდი ფაქტობრივად ფორვარდის გარეშე დატოვა.
ვილიარეალი – რეალი
“ვილიარელისა” და “რეალის” შარშანდელი მატჩი წლევანდელის მსგავსად სეზონის სტარტზე შედგა და მოულოდნელი ფრით დასრულდა. წლევანდელი “ვილიარელის” ძალა უკვე ყველამ კარგად იცის, ამიტომ მადრიდელები “ელ მადრიგალზე” ზედმეტად თავდაჯერებულები აღარ ჩავლენ.
რა თქმა უდნა, “რეალი” ფაქტობრივად ყველა კომპონენტში მეტოქეზე ძლიერია, თუმცა მაპსინძლებს ასეთი გუნდების წინააღმდეგ თამაში რომ შეუძლიათ რამდენიმე ტურის წინ დაამტკიცეს, როდესაც “ბარსელონასთან” საკმაოდ კარგად იასპარეზეს და ქულის მოპოვებამდე ცოტა დააკლდათ.
გუნდები შეხვედრას საკადრო პრობლემებით ხვდებიან. “ვილიარეალს” “რეალიდან” იჯარით დამატებული დენის ჩერიშევი ვერ დაეხამრება. ანჩელოტის ლაზარეთს კი პეპე და კოენტრაუც დაემატნენ.
ბარსელონა – გრანადა
“მალაგასთან” დაკარგული ქულების გამო “ბარსელონამ” ერთპიროვნული ლიდერობა დათმო და მომდევნო ტურში გამარჯვების მოპოვებას აუცილებლად ეცდებიან.
პრიმერას გუნდების უმრავლესობის მსგავსად “გრანადაც” “ნოუ კამპზე” დაცვიდან ითამაშებს და მეტოქეს სივრცეებს მაქსიმალურად შეუმცირებს. წლევანდელი “ბარსელონა” შეტევაში განსაკუთრებული კრეატიულობით არ გამოირჩევა და ლუის ენრიკესაც პირველ რიგში ეს პრობლემა აქვს გამოსასწორებელი.
შესაძლოა, ყველაფერი ლუის სუარესის დაბრუნების შემდეგ დალაგდეს, თუმცა ქულების მოპოვება კატალონიელებს მანამდეც სჭირდებათ.
ტურის ყველა მატჩი და ევროპაბეთის კოეფიციენტები:
26/09/14
ელჩე – სელტა
1 X 2
2.80 3.20 2.55
27/09/14
ვილიარეალი – რეალი
1 X 2
5.05 3.80 170
ბარსელონა – გრანადა
1 X 2
1.15 8.50 20.00
ატლეტიკო – სევილია
1 X 2
1.80 3.60 4.50
ბილბაო – ეიბარი
1 X 2
1.60 3.70 6.05
ლევანტე – რაიო ვალეკანო
1 X 2
2.85 3.30 2.50
28/09/14
ხეტაფე – მალაგა
1 X 2
2.90 3.20 2.50
დეპორტივო – ალმერია
1 X 2
2.05 3.35 3.60
სოსიედადი – ვალენსია
1 X 2
2.55 3.30 2.75
კორდობა – ესპანიოლი
1 X 2
2.70 3.25 2.60
