უმაღლესი ლიგა: ”დილამ” ”სიონს” გადაურბინა

დღეს, 15:00 საათზე, სტარტი აიღო, საქართველოს ეროვნული ჩემპიონატის, რიგით მე-8 ტურის მატჩებმა.

გურია 1-1 სპარტაკი

ლანჩხუთში, ევგრაფი შევარდნაძის სახელობის სტადიონზე, ადგილობრივი ”გურია”, ცხინვალის ”სპარტაკს” დაუპირისპირდა. შეხვედრა ფრედ, ანგარიშით 1-1 დასრულდა.

გოლები: კაჭარავა 0-1 77′; შალამბერიძე 1-1 88′ (პენ.).

სიონი 1-4 დილა

თბილისში, მიხეილ მესხის სახელობის სტადიონზე, ბოლნისის ”სიონმა”, გორის ”დილას”, ფორმალურად უმასპინძლა და ანგარიშით 1-4 განადგურდა. ამ გამარჯვებით, ”დილა”, ქულებით ცხინვალის ”სპარტაკს გაუთანაბრდა და ბურთების უკეთესი შეფარდებით, მე-2 პოზიციაზე გადაინაცვლა.

გოლები: მოდებაძე 0-1 17′; ჩანუგრავა 1-1 26′; მოდებაძე 1-2 45′; არაბული 1-3 59′; ახალკაცი 1-4 89′.

ზესტაფონი 1-1 კოლხეთი

ზესტაფონში, დავით აბაშიძის სახელობის სტადიონზე, ადგილობრივი ”ზესტაფონი” ფოთის ”კოლხეთს” დაუპირისპირდა. შეხვედრა ფრედ, 1-1 დასრულდა.

გოლები: დვალი 1-0 26′; სიჭინავა 1-1 56′.

დღეს, მხოლოდ 3 შეხვედრა გაიმართა. მე-8 ტურის დარჩენილი თამაშები ხვალ გაიმართება.