11 ოქტომბერი დინამოს ისტორიაში

11 ოქტომბერს დინამო არენაზე სანაკრებო პაუზის პერიოდში გაიმართება ამხანაგური მატჩი. დინამო თბილისი აზერბაიჯანის სიმურგს დაუპირისპირდება და შეხვედრა 16.00 საათზე დაიწყება.
11 ოქტომბერს დინამოს თავის ისტორიაში 9 ოფიციალური მატჩი აქვს ჩატარებული. აღსანიშნავია, რომ ცხრავე მატჩი სსრკ- ს ჩემპიონატში შედგა. 6 მოგება, 2 ფრე და ერთი მარცხი. გატანილი და გაშვებული ბურთების ბალანსი კი 16/4 თბილისელთა სასარგებლოდ.
1959 წელს დინამომ ბარქაიას დუბლით მოსკოვში 2:0 დაამარცხა თანაკლუბელები. 1961 წელს თბილისელებმა ტაშკენტის პახტაკორს უმასპინძლეს და ოთხი უპასუხო ბურთი გაუტანეს. ზეინკლიშვილის დუბლს თითო გოლი კალოევმა და მესხმა მიამატეს. მომდევნო წელს კიევში ჩატარებული მატჩი ადგილობრივ დინამოსთან ფრედ 1:1 დასრულდა. გოლი კალოევმა გაიტანა. 1965 წელს თბილისელებმა მეტრეველის დუბლით ქუთაისის ტორპედოს აჯობეს. 1968 წელს მოსკოვში დინამომ 1:0 დაამარცხა ჩვენი გუნდი. 1975 წელს მტკვრისპირელებმა გუცაევის გოლით ტაშკენტის პახტაკორს აჯობეს 1:0. მომდევნო წელს ვოროშილოვგრადის ზარიასთან თამაში 3:0 დასრულდა. გოლები ყიფიანმა (2) და წერეთელმა გაიტანეს. 1981 წელს თბილისელებმა კიევის დინამოს უმასპინძლეს და ერთის წილ სამი გოლი გაუტანეს მეტოქეს. შენგელიამ ორჯერ აიღო კიეველთა კარი, ერთი გოლი კი კაკილაშვილის ანგარიშზეა. 1988 წელს მინსკისა და თბილისის დინამოელთა დაპირისპირება გატანილი გოლების გარეშე დასრულდა.

fcdinamo.ge