აფრიკული ვირუსი ქართულ ფეხბურთში
მეორე ლიგაში მოასპარეზე “მარკ სტარსის” შესახებ ადრეც ვწერდით. კლუბის პრეზიდენტი, ნიგერიის მოქალაქე კელვინ ოტუს ბლექი საქართველოში რამდნეიმე წლის მანძლზე მოღვაწეობს საფეხბურთო სფეროში და საკუთარ კლუბში როგორც ქართველ, ასევე უცხოელ მოთამაშეებს აძლევს თამაშის საშუალებას.
ჩვენ “მარკ სტარსის” ერთ-ერთი ყოფილი ქართველი მოთამაშე დაგვიკავშირდა და კლუბში არსებულ ვითარებაზე საკმაოდ არასასიამოვნო ამბებიც გაგვიმხილა. ფეხბურთელმა ჯერჯერობით ფართო მასებში საკუთარი ვინაობის გამხელა არ ისურვა.
“მარკ სტარსი ჩემი სურვილით დავტოვე, იქ გაჩერება სპორტული და კარიერული თვალსაზრისით თვითმკვლელობაა. ჩემ ყოფილ თანაგუნდელებს დიდ პატივს ვცემ და არავინ იფიქროს, რომ მათ ამ სიტყვებით შეურაცხოფას ვაყენებ – მარკ სტარსი ხორც-პროდუქტების გადამამუშავებელი ქარხანა უფრო არის ვიდრე საფეხბურთო გუნდი. რატომ ერთხელ არავინ დაინტერესდა იმით, თუ ვინ უდგას კლუბს სათავეში და რა მიზნები აქვს მის პრეზიდენტ კელვინ ოტუს ბლექს.
გასული წლის შემდეგ ყველა, მათ შორის მეც შეცდომაში შეგვიყვანეს, გავრცელებული და თანაც ცრუ ინფორმაციით თითქოს თენგო სულაქველიძეს ბრალი იყო გუნდმა პირველი ლიგაში ვერ მოახერხა გადასვლა, 100 000 ლარი დავხარჯე და შედეგი არ ქონდა წინა მენეჯმენტსო… წელს რას იტყვის? გუნდის სეზონის სტარტზე გამოცდილმა ხალხმა ჩაიბარა, სპორტულმა დირექტორმა კარგი მწვრთნელები და ფეხბრთელები მიიყვანა გუნდში, თანაც იმ ფონზე რომ გუნდში 90% ფეხბურთელებისა აღარ იყვნენ… რატომ არ გაინტერესებთ? განა ყველა უკეთეს გუნდში წავიდა? უბრალოდ გაექცა ტყუილს, კაბალურ კონტრაქტებს 2-3 წელს და თვეში 40-50 ლარ ხელფასს.
ფინანსური პრობლემა მაშინვე დასრულდება, როგორც კი მე მივიღებ ვიზასო, კელვინი რომ ამბობს, იცით რა ვიზაზეა საუბარი? საქართველოდან გასვლა რატომ არ შეუძლია? რომ არა ახალი ხელისუფლება და ივანიშვილის მთავრობის მიერ გამოცხადებული ამინისტია ეგ კაცი დღემდე გლდანში იქნებოდა! ასეთ ადამიანებს საქრთველოში საფეხბურთო კლუბის კი არა, საკუთარი ფეისბუქის გახსნის უფლებაც არ უნდა ქონდეს! დიახ, სოციალურ ქსელებში ალბათ თქვენც ბევრ არიფრიკელს შეუწუხებიხართ საქართველოში თამაშზე ვოცნებობო, ამ დროს შეიძლება ფეხბურთი ტელევიზორშიც არ ჰქონდეს ნანახი, ევროპული ქვეყნის ვიზაზე მეოცნებე აფრიკელ “ჭაბუკს” ჩვენი კელვინი 10-20 ათასს აკეთებს თითო ასეთი ყმაწვილისგან, ჩვენ კი დაყვედრებულ 20 ლარსაც არ გვაძლევდა…
ქართულ ფეხბურთს პრობლემები არ აკლდა, ბევრი მსმენოდა და ბევრსაც მოვერიდე, თუმცა საკუთარ თავზე ჯერაც გაუგონარი რაღაცები გამოვცადე, მინდა ყველამ იცოდეს და მოერიდოს ამ ადამიანს, ის ჩვეულებრივი თაღლითია.” – ამბობს მეორე ლიგის კლუბის ერთ-ერთი ყოფილი მოთამაშე.
