ჩავი: “კლასიკო” ჩვენი გამარჯვებით უნდა დავასრულოთ, სხვა გზა არ გვაქვს”
თარიღი: ოქტომბერი 19, 2014
“ბარსელონას” ნახევარმცველმა ჩავი ერნანდესმა ესპანეთის პრიმერადივიზიონის VIII ტურში “ეიბარის” დამარცხების (3:0) შემდეგ იმედი გამოთქვა, რომ კატალონიური გუნდი მადრიდის “რეალის” წინააღმდეგ 25 ოქტომბერს გასამართ მატჩშიც მოიპოვებს გამარჯვებას.
“პირველი გოლის გასატანად გარკვეული დრო დაგვჭირდა, თუმცა ამის შემდეგ საქმე მნიშვნელოვნად გაიოლდა. კარგად ვითამაშეთ და გოლი არც ამჯერად გაგვიშვია. რაც შეეხება “ელ კლასიკოს”, უნდა გავიმარჯვოთ. სხვა გზა არ გვაქვს”, – ციტირებს ჩავის სიტყვებს Tuttomercatoweb-ი.
“რეალსა” და “ბარსელონას” შორის მატჩი 25 ოქტომბერს, “სანტიაგო ბერნაბეუზე” გაიმართება და თბილისის დროით 20:00 საათზე დაიწყება.
მსგავსი სიახლეები