პრემიერლიგა: მეთერთმეტე ტურის მიმოხილვა

Fanebi.com წარმოგიდგენთ ინგლისური პრემიერლიგის მეთერთმეტე ტურის მიმოხილვას.

ლივერპული – ჩელსი

ინგლისის პრემიერლიგის მეთერთმეტე ტურის ცენტრალურ მატჩში „ლივერპულმა“ „ენფილდზე“ „ჩელსი“ მიიღო და ანგარიშით 1:2 დამარცხდა.

არადა, ანგარიში ბრენდან როჯერსის გუნდმა გახსნა. უკვე მეცხრე წუთზე ემრე ჩანის დარტყმული რიკოშეტით ტიბო კურტუას კარში აღმოჩნდა, ბელგიელი მეკარე ბურთის საპირისპიროდ წავიდა. თუმცა, მასპინძელთა სიხარული დიდ ხანს არ გაგრძელებულა. ოთხ წუთში წონასწორობა გარი კეიჰილმა აღადგინა, რომელმაც კუთხურის შემდეგ მერსესაიდელთა საჯარიმოში არეულობით ისარგებლა და ზუსტად კარისკენ დაარტყა – მინოლემ ბურთის კარის ხაზიდან გამოტანა ვერ მოახერხა.

პირველი ტაიმის დარჩენილ დროში უფრო აქტიურები „ჩელსის“ მოთამაშეები იყვნენ, თუმცა „ლივერპულის“ მხრიდან კოუტინიოს შორეული დარტყმის აღნიშვნაც შეიძლება, რომელიც კურტუამ მოიგერია.

მეორე ტაიმში სიტუაცია არ შეცვლილა, რამაც შედეგი ლონდონელთათვის 67-ე წუთზე გამოიღო, როდესაც, ოსკარის ბრწყინვალე გარღვევის და საჯარიმოში ჩაწოდების შედეგად, დიეგო კოშტამ ზუსტად დაარტყა – 1:2.

დარჩენილ დროში ანგარიში არ შეცვლილა, მიუხედავად იმისა, რომ კიდევ რამდენიმე მომენტი შექიმნა.

საუთჰემპტონი – ლესტერი

კიდევ ერთი გამარჯება მოიპოვა “საუთჰემპტონმა”, რომელიც გასულ ტურში ცხრილის ქვედა ნაწილში მყოფ “ლესტერს” მასპინძლობდა.

რონალდ კუმანის შეგირდებმა მეტოქე მხოლოდ მატჩის დასკნით ნაწილში გატეხეს. ანგარიში 75-ე წუთზე პელეს გადაცემით ლონგმა გახსნა და ზუსტად 5 წუთში დუბლიც გაიფორმა. ამჯერად ასისტენტობა ვანიამამ ითავა.

ამ გამარჯვებით “საუთჰემპტონმა” მეორე პოზიცია შეინარჩუნა, “ლესტერმა” კი მე-18 ადგილზე გადაინაცვლა.

მანჩესტერ იუნაიტედი – კრისტალ პელასი

“ოლდ ტრაფორდზე” “მანჩესტერ იუნაიტედმა” “კრისტალ პალასი” მიიღო და სამტურიანი პაუზის შემდეგ გამარჯვების გემოც გაიხსენა.

არც თუ ისე სანახაობრივი მატჩის ბედი მეორე ტაიმში გატანილმა ერთადერთმა გოლმა გადაწყვიტა. 67-ე წუთზე ანხელ დი მარიას გადაცემით საკუთარ გუნდს 3 ქულა შეცვლაზე შემოსულმა ხუან მატამ მოუტანა.

სანაკრებო პაუზის წინ მანჩესტერელებმა მნიშვნელოვანი გამარჯვება მოიპოვეს და მოწინავე ოთხეულსაც მიუახლოვდნენ.

ტურის ყველა მატჩი:

08.11	16:45	ლივერპული		1:2		ჩელსი		დაწვრილებით
08.11	19:00	ბარნლი		1:0		ჰალ სიტი		დაწვრილებით
08.11	19:00	მანჩესტერ იუნაიტედი		1:0		კრისტალ პალასი		დაწვრილებით
08.11	19:00	საუთჰემპტონი		2:0		ლესტერ სიტი		დაწვრილებით
08.11	19:00	ვესტ ჰემი		0:0		ასტონ ვილა		დაწვრილებით
08.11	21:30	ქუინს პარკ რეინჯერსი		2:2		მანჩესტერ სიტი		დაწვრილებით
09.11	17:30	სანდერლენდი		1:1		ევერტონი		დაწვრილებით
09.11	17:30	ტოტენჰემი		1:2		სტოკ სიტი		დაწვრილებით
09.11	17:30	ვესტ ბრომვიჩი		0:2		ნიუკასლი		დაწვრილებით
09.11	20:00	სუონსი სიტი		2:1		არსენალი		დაწვრილებით