დღის 5 სატრანსფერო ჭორი
Fanebi.com გთავაზობთ დღის გამორჩეულ სატრანსფერო ამბებს.
რომას კირიკეში სურს
“რომას” “ტოტენჰემის” მცველის, ვლად კირიკეშის გადაბირება იჯარის წესით სურს. აღნიშნულ ინფორმაციას იტალიური პრესა ავრცელებს.
რეალი პოგბაზე ფიქრობს
მადრიდის “რეალის” მორიგი სამიზნე “იუვენტუსის” ნახევარმცველი პოლ პოგბაა. აღნიშნული ტრანსფერის ერთ-ერთი მთავარი ინიციატორი ზინედინ ზიდანია, რომელიც მადრიდელთა მეორე გუნდის მთავარი მწვრთნელია. ახალგაზრდა ფრანგის გადაბირებას “სამეფო კლუბი” სეზონის დასრულების შემდეგ აპირებს.
არსენალი არსლანს აკვირდება
“ჰამბურგის” ნახევარმცველი ტორგან-ალი არსლანი ლონდონის “არსენალის” ინტერესთა სფეროში მოხვდა. სეზონის დასრულების შემდეგ ფეხბურთელი თავისუფალი აგენტი ხდება.
ვან პერსი მანჩესტერს დატოვებს?
“მანჩესტერ იუნაიტედის” მთავარი მწვრთნელი ლუი ვან გაალი რობინ ვან პერსის თამაშით უკმაყოფილოა და შესაძლოა ფორვარდს კლუბის დატოვებაც კი მოუწიოს. მის შემცვლელად კი “იუნაიტედში” ტომას მიულერს ან ედისონ კავანის მოიაზრებენ.
მილანი ჩეხისთვის იბრძოლებს
“არსენალთან” ერთად პეტერ ჩეხის გადაბირებისთვის “მილანიც” იბრძოლებს. მოსალოდნელია, რომ ლონდონელები ჩეხ მეკარეს იანვარში, დაახლოებით 7 მილიონ ევროდ გაასხვისებენ.
