მოურინიო: „დროგბა ნამდვილი გუნდური მოთამაშეა“
„ჩელსის“ მთავარმა მწვრთნელმა ჟოზე მოურინიომ „ტოტენჰემთან“ ანაგრიშით 3:0 მოგებული მატჩი შეაფასა.
„გამახსენდა თუ არა დიეგო კოსტა? არა. რა თქმა უნდა, იგი გუნდს სჭირდება, თუმცა მისი არყფონის გამო არ ვდარდობთ, რადგან მატჩისთვის სათანადოდ ვემზადებით. შანსი სხვა ფეხბურთელებსაც ეძლევა და ისინი მის გამოყენებას ცდილობენ.
დროგბამ ჩინებული მატჩი ჩაატარა. პირველ რიგში, იგი გუნდური მოთამაშეა. იგი ეგოისტი არ არის, მას თავის შეკავება შეუძლია. დიდიე გუნდის გულისთვის თამაშობს. ეს ფეხბურთელი ფანტასტიკურია.
როდესაც დროგბა მატჩის ბოლოს შეცვლაზე გამოდის, იგი ისე თამაშობს, როგორც მატჩის პირველივე წუთებიდან.
დიდიე კარიერის დასრულებას „ჩელსიში“ აპირებს. როგორც ჩანს, მას კლუბში რომელიმე სხვა სამუშაო ადგილის დაკავების შანსი აქვს. ერთი წლის წინ ჩემმა გუნდმა დროგბას წინააღმდეგ ითამაშა და მაშინ დავინახე ის პოტენციალი, რომელიც მან შეინარჩნა, ასე რომ, ახლა არაფერი მიკვირს. დიდიე რთულ როლს კარგად ირგებს“ – ციტირებს პორტუგალიელს Goal.com-ი.
