ბუნდესლიგა: მე-14 ტურის მიმოხილვა
Fanebi.com წარმოგიდგენთ გერმანული ბუნდესლიგის მე-14 ტურის მიმოხილვას.
დორტმუნდი – ჰოფენჰაიმი
როგორც ჩანს, “დორტმუნდის” ფეხბურთელებზე თამაშამდე ორი დღით ადრე ხელმძღვანელობის უცნაურმა სასჯელმა კარგად იმოქმედა. “ბორუსიამ” “ჰოფენჰაიმთან” საშინაო მატჩში გამარჯვება მოიპოვა და ბუნდესლიგის ბოლო პოზიციიდან მეთოთხმეტეზე გადაინაცვლა.
შეხვედრა საკმაოდ სანახაობრივი გამოდგა, თუმცა გულშემატკივრებმა მხოლოდ ერთი გოლი იხილეს. მატჩის მე-17 წუთზე შედეგიანი დარტყმა გიუნდოგანმა შეასრულა. ნახევარმცველს შედეგიანი პასი ობამეიანგმა გაუკეთა, რომელსაც მეორე ნახევრის ბოლო გოლის გატანის რამდენიმე რეალური შანსი ჰქონდა, თუმცა ჯერ სიზუსტემ, შემდეგ კი ლაინსმენის აწეულმა ალამმა შეუშალა ხელი.
მატჩის ბოლოს “ჰოფენჰაიმმა” გათანაბრება სცადა და ერთ ეპიზოდში სტუმრები პენალტის დანიშვნას სამართლიანადაც ითხოვდნენ, თუმცა შეხვედრის ბოლომდე მოედანზე არაფერი შეცვლილა.
შტუტგარტი – შალკე
კიდევ ერთი მატჩი წააგო “შტუტგარტმა”, რომელიც გასულ ტურში “შალკეს” მასპინძობდა. გელზენკირხენელებმა უპირატესობის მოპოვება და მატჩის ბედის გადაწყვეტაც საკმაოდ სწრაფად შეძლეს. პირველ და 21-ე წუთებზე ჩუპო-მოტინგმა ორი გოლის გატანა მოახერხა, შუალედში კი ერთხელ მაქს მაიერმაც გაიტანა და გუნდები შესვენებაზე “შალკეს” სამბურთიანი უპირატესობით გავიდნენ.
მეორე ნახევარი შედარებით მოკრძალებული იყო. სტუმრებმა მხოლოდ ერთხელ დალაშქრეს მეტოქის კარი. 61-ე წუთზე ჩუპო-მოტინგმა ჰეთ-თრიკი გაიფორმა და საბოლოო ანგარიში – 0:4 დააფიქსირა.
ბაიერნი – ლევერკუზენი
ტურის ცენტალურ დაპირისპირებას მიუნხენმა უმასპინძლა, სადაც “ბაიერნმა” “ლევერკუზენს” მინიმალური ანგარიშით აჯობა.
სტუმართა სასტარტო აქტიურობის შემდეგ შეხვერა გათანაბრდა, თუმცა პირველი ნახევარი უგოლოდ დასრულდა. მატჩის ბედი 51-ე წუთზე გატანილმა გოლმა გადაწყვიტა, რომელიც ფრანკ რიბერის ანგარიშზეა. აღსანიშნავაი, რომ ფრანგისთვის ეს მიუნხენური კლუბის შემადგენლობაში საიუბილეო, მე-100 გატანილი გოლი იყო.
მიუნხენელები გათამაშების ცხრილს კვლავ დამაჯერებლად ლიდერობენ, ხოლო “ლევერკუზენმა” მარცხის შემდეგ მეოთხე პოზიციაზე გადაინაცვლა, რომელსაც “შალკესთან” ერთად იყოფს.
ტურის ყველა მატჩი
| 05.12 | 23:30 | დორტმუნდი |  |
1:0 |  |
ჰოფენჰაიმი | დაწვრილებით | |
| 06.12 | 18:30 | გლადბახი |  |
3:2 |  |
ჰერტა | დაწვრილებით | |
| 06.12 | 18:30 | ჰანოვერ 96 |  |
1:3 |  |
ვოლფსბურგი | დაწვრილებით | |
| 06.12 | 18:30 | შტუტგარტი |  |
0:4 |  |
შალკე 04 | დაწვრილებით | |
| 06.12 | 18:30 | კიოლნი |  |
1:2 |  |
აუგსბურგი | დაწვრილებით | |
| 06.12 | 18:30 | პადერბორნი |  |
1:1 |  |
ფრაიბურგი | დაწვრილებით | |
| 06.12 | 21:30 | ბაიერნი |  |
1:0 |  |
ლევერკუზენი | დაწვრილებით | |
| 07.12 | 18:30 | ჰამბურგი |  |
2:1 |  |
მაინცი | დაწვრილებით | |
| 07.12 | 20:30 | აინტრახტი |  |
5:2 |  |
ვერდერი | დაწვრილებით |
