ვენგერი: “პოდოლსკი შანსებს მიიღებს”

არსენ ვენგერმა საკუთარი გუნდის ფორვარდზე, ლუკას პოდოლსკიზე ისაუბრა. შეგახსენებთ, გერმანელმა მიმიდნარე სეზონში შემადგენლობაში ადგილი დაკარგა, თუმცა ჩემპიონთა ლიგის უკანასკნელ შეხვედრაში “გალათასარაის” კარში ორი გოლი გაუტანა და მწვრთნელს თავისი მაღალი კლასის შესახებ შეახსენა.

“ის კარგ ფორმაშია, თუმცა შეტევის ხაზში საკმაოდ დიდი კონკურენცია გვაქვს. ტრავმირებულები დაცვაში და ნახევარდაცვაში გვყავს, შეტევაში კი თამაში ყველას შეუძლია.

მატჩიდან მატჩამდე როტაციას მივმართავ და საკუთარ შანსებს ლუკასიც მიიღებს. მესმიმ, რომ ტოპ-დონის მოთამაშეებს სათამაშო დროის ნაკლებობა სწყინთ, თუმცა ეს ფეხბურთის შემადგენელი ნაწილია” – განაცხადა ვენგერმა.