გვარდიოლა: ,,შაქირი ,,ბაიერნში” დარჩება”
ხერდან შაქირის წასვლაზე პრესა აქტიურად წერს. გავრცელებული ინფორმაციით, ფეხბურთელის შეძენით ,,ლივერპულია” დაინტერესებული. მიუნხენის ,,ბაიერნის” მთავარმა მწვრთნელმა, პეპ გვარდიოლამ გავრცელებული ინფორმაცია უარყო. მისი თქმით, გერმანული გრანდი შაქირის გაყიდვას არ აპირებს.
,,მე მაქვს იმედი, რომ ის მომავალში გუნდში დარჩება. მე არანაირი ინფორმაცია არ მაქვს ამის შესახებ”.
პეპ გვარდიოლას ასევე გუნდის ამჟამინდელ სიტუაციაზე თხოვეს კომენტარის გაკეთება. ,,სეზონის პირველ ნაწილში ჩვენ მართლაც, კარგად გამოვიყურებით. ეს იმას არ ნიშნავს, რომ გუნდი აუცილებლად მეორე ნახევარშიც ასე იასპარეზებს. ამის ნათელი მაგალითია ,,დორტმუნდი”. ის უდიდესი გუნდია დიდებული მწვრთნელით. შედეგი კი არასახარბიელოა. ზოგადად არ მიყვარს სხვა გუნდებზე საუბარი. ,,ლევერკუზენი” და ,,გლადბახი”, ორივე რთული მეტოქეა,” – განაცხადა პეპ გვარდიოლამ.
