დღის 5 სატრანსფერო ჭორი
Fanebi.com წარმოგიდგენთ დღის გამორჩეულ სატრანსფერო ამბებს.
ნაპოლის მენიე სურს
“ნაპოლი” “ბრიუგეს” მარჯვენა მცველით, ტომას მენიეთი დაინტერესდა. 23 წლის მოთამაშე ბელგიურ კლუბს კონტრაქტით 2016 წლამდე ეკუთვნის. შეგახსენებთ, დრის მერტენსის სახით “ნაპოლის” ერთი ბელგიელი უკვე ჰყავს.
ბელერინი, შესაძლოა, ლევერკუზენში აღმოჩნდეს
“ლევერკუზენის” ინტერესთა სფეროში ლონდონი “არსენალის” მცველი, ექტორ ბელერინი მოხვდა. გერმანული პრესის ცნობით კლუბებს შორის მოლაპარაკებები უკვე დაიწყო.
რომა შოუკროსისთვის იბრძოლებს
“რომა” “სტოკ სიტის” მცველის, რაიან შოუკროსის გადაბირებითაა დაინტერესებული. რომაელები მოთამაშის აგენტს უკვე შეხვდნენ. შოუკროსის ყიდვა ასევე “ევერტონს” და “ნიუკასლსაც” სურთ.
ლილი სკულეტიჩით დაინტერესდა
“ლილს” ბელგრადის “პარტიზანიდან” პეტარ სკულეტიჩის გადაბირება სურს. სერბული კლუბი ფორვარდში 3-4 მილიონს ითხოვს, თუმცა ფრანგები ამდენის გადახდას არ აპირებენ.
50 მილიონი ბენზემას სანაცვლოდ
ბრიტანული პრესის ცნობით “ლივერპული” მადრიდის “რეალიდან” კარიმ ბენზემას შეძენის შესაძლებლობას განიხილავს. წითლები მზად არიან ფრანგში 50 მილიონი გირვანქა გადაიხადონ.
