იტალია: მე-16 ტურის მიმოხილვა
Fanebi.com წარმოგიდგენთ იტალიის ჩემპიონატის მე-16 ტურის მიმოხილვას.
კალიარი – იუვენტუსი
ტურის პირველი შეხვედრა, რომელიც ხუთშაბათს გაიმართა, “იუვენტუსის” დამაჯერებელი გამარჯვებით დასრულდა. ტურინელებმა ორი ფრის შემდეგ სასურველი შედეგის მიღწევა “კალიარისთან” სტუმრობით შეძლეს.
სტუმრები მე-15 წუთისთვის ტევესისა და ვიდალის გოლებით 0:2-ს იგებდნენ. მეორე ტაიმის დებიუტში ტურინელთა უპირატესობა ლიორენტემ სამამდე გაზარდა. დარჩენილ დროში “კალიარიმ” მხოლოდ პრესტიჟის გოლის გატანა შეძლო, რომელიც როსეტინის ძალისხმევით, მატჩის 65-ე წუთზე გავიდა.
ტურინელები დღეს წლის ბოლო შეხვედრაში სუპერთასისთვის “ნაპოლისთან” იბრძოლებენ.
რომა – მილანი
ტურინელთა მთავარმა კონკურენტმა ქულები “მილანთან” საშინაო შეხვედრაში დაკარგა.
მატჩი “რომას” უპირატესობით მიმდინარეობდა, ბოლო 20 წუთის განმავლობაში მასპინძლები რიცხობრივ უპირატესობასაც ფლობდნენ, თუმცა საბოლოო შედეგზე ეს არ აიასახა. იტალიური ფეხბურთის გრანდების დაპირისპირება გატანილი გოლების გარეშე დასრულდა.
16 ტურის შემდეგ “რომა” მეორე პოზიციას ინარჩუნებს, თუმცა “იუვეს” უკვე 3 ქულით ჩამორჩება. “მილანმა” კი 2014 წელი მე-7 პოზიციაზე დაასრულა.
ინტერი – ლაციო
“სან სიროზე” გამართული ტურის უკანასკნელი შეხვედრა დაძაბული და სანახაობრივი გამოდგა.
“ლაციომ” დაწინაურება საკმაოდ სწრაფად, მე-2 წუთზე ფელიპე ანდერსონის გოლით მოახერხა. ბრაზილიელმა 37-ე წუთზე დუბლის გაფორმება მოახერხა და ტაიმიც რომაელთა ორბურთიანი უპირატესობით დასრულდა.
“ინტერმა” შეხვედრის მსვლელობაში გარდატეხის შეტანა მეორე ნახევარში შეძლო. 66-ე წუთზე კოვაჩიჩმა სხვაობა მინიმალურამდე შეამცირა. მატჩის დასრულებამდე 10 წუთით ადრე კი პალასიომ ანგარიში გაათანაბრა და საბოლოო შედეგიც დააფიქსირა – 2:2.
ტურის ყველა მატჩი
| 18.12 | 22:00 | კალიარი |  |
1:3 |  |
იუვენტუსი | დაწვრილებით | |
| 18.12 | 23:59 | ნაპოლი |  |
2:0 |  |
პარმა | დაწვრილებით | |
| 20.12 | 21:00 | სასუოლო |  |
1:1 |  |
ჩეზენა | დაწვრილებით | |
| 20.12 | 23:45 | რომა |  |
0:0 |  |
მილანი | დაწვრილებით | |
| 21.12 | 15:30 | ვერონა |  |
0:1 |  |
კიევო | დაწვრილებით | |
| 21.12 | 18:00 | ტორინო |  |
2:1 |  |
ჯენოა | დაწვრილებით | |
| 21.12 | 18:00 | სამპდორია |  |
2:2 |  |
უდინეზე | დაწვრილებით | |
| 21.12 | 18:00 | ფიორენტინა |  |
1:1 |  |
ემპოლი | დაწვრილებით | |
| 21.12 | 18:00 | ატალანტა |  |
3:3 |  |
პალერმო | დაწვრილებით | |
| 21.12 | 23:45 | ინტერი |  |
2:2 |  |
ლაციო | დაწვრილებით |
