აშშ-ს წლის საუკეთესო მოთამაშის ვინაობა ცნობილია

ამერიკის შეერთებული შტატების კალათბურთის ფედერაციამ 2014 წლის საუკეთესო მოთამაშის ტიტული „კლივლენდ კავალიერსის“ გამთამაშებელ კაირი ირვინგს გადასცა.

ირვინგმა აშშ-ს ნაკრებს ესპანეთში გამართულ მსოფლიო ჩემპიონატი მოაგებინა – პლანეტის პირველობაზე 22 წლის კალათბურთელის საშუალო მონაგარმა 12,1 ქულა, 2,6 მოხსნა, 3,6 გადაცემა და 1,9 ჩაჭრა შეადგინა. გარდა ამისა, საკალათბურთო მუნდიალის ორგანიზატორებმა კაირი ტურნირის MVP-დ დაასახელეს.

ბოლო ხუთ წელიწადში აშშ-ს წლის კალათბურთელის წოდება ასევე ჯეიმ მაკადმა, კევინ დურანტმა, ჯაბარი პარმერმა და აარონ გორდონმა მიიღეს.