ალდერვეირელდი: “საუთჰემპტონს” “ატლეტიკოს” მსგავსი წარმატების გამეორება შეუძლია”
“საუთჰემპტონის” მცველი ტობი ალდერვეირელდი თვლის, რომ მის გუნდს შეუძლია, ისევე მოახდინოს სასწაული, როგორც ეს გასულ სეზონში მადრიდის “ატლეტიკომ” გააკეთა.
შეგახსენებთ, რომ ბელგიელი ფეხბურთელი შარშანდელ სეზონში სწორედ მადრიდული კლუბის ღირსებას იცავდა, რომელმაც პირველად უკანასკნელი 18 წლის განმავლობაში ესპანეთის ჩემპიონატი მოიგო.
ახლა ალდერვეირელდი “წმინდანების” რიგებში იჯარის წესით თამაშობს და თვლის, რომ “საუთჰემპტონს” “ატლეტიკოს” მსგავსი შედეგის გამეორება შეუძლია.
“სეზონის სტარტზე “ატლეტიკოს” შანსს არავინ აძლევდა. 10 ტურის შემდეგაც კი, ხალხი ამბობდა, რომ ქულებს დავკარგავდით. დიეგო სიმეონე გვეუბნებოდა: “მატჩიდან მატჩამდე წინ წავიწიოთ და ბოლოს ვნახავთ, რა გამოგვივა. მეტოქე გუნდებს უკეთესი შემადგენლობები ჰყავთ, უკეთესი ფეხბურთელებით არიან დაკომპლექტებულნი, თუმცა ჩვენ რაღაც განსაკუთრებული გვაქვს – ჩვენ გუნდი ვართ”.
“სწორედ გუნდი უნდა ვიყოთ, რომ მსგავ წარმატებას მივაღწიოთ, – აგრძელებს ალდერვეირელდი. – კი ბატონო, გრაციანო პელე იტანს, დუშან ტადიჩი საგოლე გადაცემებს აკეთებს, თუმცა ჩვენი ძალა ჩვენი გუნდია”.
