ალექსისი: ,,მე ვარ ,,არსენალის” ერთ-ერთი ჩვეულებრივი ფეხბურთელი”
ლონდონის ,,არსენალის” ფეხბურთელმა, ალექსის სანჩესმა შეაფასა წელი და ისაუბრა პრემიერ ლიგაში ,,მეთოფეების” შანსებზე.
ალექსის სანჩესი წელს გადავიდა ლონდონის ,,არსენალში”. ბევრის შეფასებით, ჩილელმა ფეხბურთელმა გაამართლა და რამდენჯერმეც დაეხმარა ,,მეთოფეებს” წარმატების მიღწევაში. ამჟამად, მას პრემიერ ლიგაში 15 გოლი აქვს გატანილი. ლონდონელებმა ფეხბურთელში 40 მილიონი ევრო გადაიხადეს.
,,გუნდის ვარსკვლავი? მე არ ვეთანხმები ამას. ,,არსენალი” დიდებული ფეხბურთელებითაა დაკომპლექტებული. გუნდთში მე ვარ ერთ-ერთი ჩვეულებრივი ფეხბურთელი.
,,როდესაც ეს გადაწყვეტილება მივიღე, არ ვიცოდი გაამართლებდა თუ არა მომავალში. ახლა კი დავრწმუნდი გადაწყვეტილების სისწორეში. მე ბედნიერი ვარ გუნდში თამაშით.
,,მე მიყვარს ეს ჩემპიონატი,ფეხბურთელები, რომლებიც ჩემთან ერთად თამაშობენ. ამასთან ერთად, მსოფლიოში საუკეთესო მწვრთნელი. ყველაფერი იდეალურია გუნდში,” -განაცხადა ალექსის სანჩესმა.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
