Fanebi.Com გილოცავთ შობა-ახალ წელს!
ჩვენმა მომხმარებელმა კარგად იცის, რომ საიტის ტრადიციაა, ყოველი წლის ბოლოს განვლილი სამუშაოების შეჯამება და მომავალი წლის გეგმების გაცნობა ერთგული ფანებისთვის!
წელს ინოვაციები და ცვლილებები აქტიურად დაინერგა ჩვენს ვებ-გვერდზე.
ვეცადეთ დიზაინი მაქსიმალურად შეგვეცვალა, მიგვეახლოებინა იგი ევროპულ სპორტული საიტებისთვის და მომხმარებელზე ორიენტირებულნი ვყოფილიყავით. წინა დიზაინთან შედარებით გავამარტივეთ და დავხვეწეთ ბევრი ფუნქცია.
საიტს დაემატა ახალი ჩემპიონატები და ამჟამად გთავაზობთ ბევრად მეტი ჩემპიონატის ცხრილსა და განრიგს!
სრულად გვაქვს საფეხბურთო 7 ჩემპიონატის ყველა გუნდის საინფორმაციო გვერდი და ასევე ამ ჩემპიონატებში მოთამაშე ყველა ფეხბურთელის პროფილის გვერდი. მსგავსი სისტემა მხოლოდ ჩვენ გვაქვს!
გავაკეთეთ სპეციალური, პირველი სპორტული საინფორმაციო აპლიკაციები Android და iOS სისტემებზე მომუშავე მობილურებისთვის!
მთელი წლის განმავლობაში გთავაზობდით მაქსიმალურად ობიექტურ და სანდრო ინფორმაციას. ვცდილობდით ვყოფილიყავით ყველაზე სწრაფები და გაგვეშუქებინა ყველა ქართული თუ უცხოური საფეხბურთო და საკალათბურთო მოვლენა.
ასევე გვქონდა უამრავი გათამაშება Europe-Bet.com-თან ერთად, რომლის წყალობით ძალიან ბევრმა მომხმარებელმა შეძლო საჩუქრების მიღება!
მომავალი წლიდან ვგეგმავთ გარკვეულ ცვლილებებს დიზაინში,რაც მომხმარებელს საშუალებას მისცეს უფრო კარგად გამოიყენოს საიტი და მარტივად ისარგებლოს ჩვენი ყველა ფუნქციით.ვეცდებით უფრო მეტად ვიაქტიუროთ და უკეთ გავაშუქოთ საკალათბურთო მოვლენები. ასევე დაგვემატება საიტის მობილური ვერსია და ვეცდებით, რომ გავხდეთ კიდევ უფრო ანალიტიკური და საინტერესო ვებ-გვერდი!
მადლობა ჩვენს ყველა სპონსორს, პარტნიორსა და მომხმარებელს იმ საერთო საქმის კეთების დახმარებისთვის, რასაც ქართული ჯანსაღი სპორტული ვებ-გვერდი ჰქვია.
პატივისცემით,
გურამ თათეშვილი
Fanebi.Com-ის დამფუძნებელი
