აფრიკის წლის საუკეთესო ფეხბურთელი, გუნდი და სიმბოლური ნაკრები
“მანჩესტერ სიტის” ნახევარმცველი იაია ტურე ზედიზედ მეოთხედ გახდა აფრიკის წლის საუკეთესო ფეხბურთელი.
ამ წოდებისთვის ბრძოლაში კოტ დივუარელმა მოთამაშემ “ლილის” ნიგერიელი მეკარე ვინსენტ ენიამა და დორტმუნდის “ბორუსიას” გაბონელი თავდამსხმელი პიერ-ემერიკ ობამეიანგი დაამარცხა.
გამოკითხვაში აფრიკული ქვეყნის ნაკრებების მთავარმა მწვრთნელებმა ან ტექნიკურმა დირექტორებმა მიიღეს მონაწილეობა.
წლის საუკეთესო აფრიკულ გუნდად ალჟირის ნაკრები დასახელდა.
ასევე დაკომპლექტდა აფრიკის წლის სიმბოლური ნაკრები, რომელიც ასე გამოიყურება:
მეკარე: ვინსენტ ენიამა (“ლილი”/ნიგერია);
მცველები: ჟენ კასუსულა (“მაზემბე”/კონგო), მეჰდი ბენატია (“ბაიერნი”/მაროკო), სტეფან მბია (“სევილია”/კამერუნი), კვადვო ასამოა (“იუვენტუსი”/განა);
ნახევარმცველები: იაია ტურე (“მანჩესტერ სიტი”/კოტ დივუარი), იასინ ბრაჰიმი (“პორტუ”/ალჟირი), ფახრედინ ბენ იუსეფი (“სფაქსიენი”/”მეცი”/ტუნისი), აჰმედ მუსა (ცსკა/ნიგერია);
თავდამსხმელები: ასამოა გიანი (“ალ აინი”/განა), პიერ-ემერიკ ობამეიანგი (“დორტმუნდი”/გაბონი).
