როისი “რეალს” უახლოვდება

დორტმუნდის “ბორუსიას” შემტევი ნახევარმცველი მარკო როისი კარიერას, სავარაუდოდ, მადრიდის “რეალში” გააგრძელებს.

2014 წლის დამლევს “სამეფო კლუბის” პრეზიდენტი ფლორენტინო პერესი გერმანიაში გახლდათ, სადაც 25 წლის ფეხბურთელთან მოლაპარაკებები გამართა. El Confidencial-ის ცნობით, მხარეებმა შეთანხმებას მიაღწიეს. კერძოდ, საუბარია ხუთწლიან კონტრაქტზე და წელიწადში ჯამაგირის სახით კი შვიდ მილიონ ევროზე. ამავე ანაზღაურებას იღებს “რეალის” კიდევ ერთი გერმანელი ნახევარმცველი ტონი კროოსი. რაც შეეხება ფეხბურთელის გამოსასყიდ თანხას, ის 25 მილიონ ევროდ ფასდება.

შეგახსენებთ, რომ მარკო როისი დორტმუნდის “ბორუსიაში” 2012 წლიდან გამოდის. ამ დროის განმავლობაში მან ბუნდესლიგაში 69 მატჩი ჩაატარა, 33 გოლი გაიტანა და 24 საგოლე გადაცემა გააკეთა. ჩემპიონთა ლიგაზე როისს 24 შეხვედრაში 11 გოლი აქვს მითვლილი.