იტალია: მე-19 ტურის მიმოხილვა

თარიღი: იანვარი 19, 2015

Fanebi.com იტალიის ჩემპიონატის მე-19 ტურის მიმოხილვას წარმოგიდგენთ.

ემპოლი – ინტერი

ტურის სასტარტო შეხვედრა საკმაოდ დაძაბული აღმოჩნდა, თუმცა გატანილი გოლების გარეშე დასრულდა. შედეგად, “ემპოლიმ” უკანასკნელ 6 ტურში მე-5 ფრე ითამაშა, “ინტერმა” კი მანჩინის მოსვლის შემდეგ ჩემპიონატში წაუგებელი სერია გაიხანგრძლივა.

გამარჯვების გოლის გატანა ორივე გუნდს შეეძლო, თუმცც საბოლოოდ მატჩის დამთავრებამდე ტაბლოზე არაფერი შეცვლილა. შედეგად, “ინტერი” მე-9 პოზიციაზე აღზევდა, ხოლო “ემპოლი” მე-19 ტურის დასრულების შემდეგ მე-16 პოზიციაზე აღმოჩნდა.

ლაციო – ნაპოლი

მე-19 ტურის ცენტრალურ შეხვედრაში “სტაიო ოლიმპიკოზე” ერთმანეთის წინააღმდეგ “ლაციო” და “ნაპოლი” წარსდგნენ.

პრინციპული დაპირისპირების ბედი ერთმა გომა გადაწყვიტა, რომელიც სტუმრებმა მე-18 წუთზე გაიტანეს. მერტენსის პასით ზუსტი დარტყმით თავი გონსალო იგუაინმა გამოიჩინა. “ლაციოს” თამაშის გადარჩენის შანსი რამდენჯერმე მიეცა, თუმცა პაროლოს და მისი პარტნიორების დარტყმები მიზანს ვერ აღწევდა. თავის მხრივ შანსები კონტრშეტევებზე მოთამაშე სტუმრებსაც ჰქონდათ.

ამ გამარჯვებით “ნაპოლიმ” “ლაციოს” ემსამე პოზიციაა წაართვა და რომაულ კლუბს ორი ქულით გადაასწრო.

იუვენტუსი – ვერონა

ტურის ბოლო შეხვედრა მოსალოდნელი ანგარიშით დასრულდა. სათასო შეხვედრაში “ვერონას” განადგურების შემდეგ ტურინელებმა მეტოქე არც ჩემპიონატის კალენდარულ მატჩში დაინდეს.

მასპინძლები მე-7 წუთისთვის პოგბას და ტევესის გოლებით 2:0-ს იგებდნენ. კიდევ ორი გოლი “იუვემ” მეორე ნახევარში პერეირასა და იმავე ტევესის ძალისხმევით გაიტანეს და საბოლოოდ ვერონელები ოთხ ბურთიანი სხვაობით დაამარცხეს და “რომასთან” ხუთ ქულიანი ჰანდიკაპიც შეინარჩნეს.

ტურის ყველა მატჩი

17.01	21:00	ემპოლი	0:0	ინტერი	დაწვრილებით
17.01	23:45	პალერმო	1:1	რომა	დაწვრილებით
18.01	15:30	ლაციო	0:1	ნაპოლი	დაწვრილებით
18.01	18:00	მილანი	0:1	ატალანტა	დაწვრილებით
18.01	18:00	კიევო	1:2	ფიორენტინა	დაწვრილებით
18.01	18:00	ჩეზენა	2:3	ტორინო	დაწვრილებით
18.01	18:00	ჯენოა	3:3	სასუოლო	დაწვრილებით
18.01	18:00	უდინეზე	2:2	კალიარი	დაწვრილებით
18.01	18:00	პარმა	0:2	სამპდორია	დაწვრილებით
18.01	23:45	იუვენტუსი	4:0	ვერონა	დაწვრილებით