სილვესტერ სტალონე პრემიერლიგის მატჩს დაესწრება

ცნობილი ამერიკელი მსახიობი სილვესტერ სტალონე ინგლისის პრემიერლიგის XXII ტურში ლივერპულის “ევერტონსა” და “ვესტ ბრომვიჩ ალბიონს” შორის გამართულ შეხვედრას დაესწრება.

მატჩის შესვენების დროს მსახიობი სტადიონზე დამონტაჟებული დიდი მონიტორის საშუალებით სტადიონზე მისულ ქომაგს მიმართავს.

ცნობისთვის, სილვესტერ სტალონე ლივერპულელ მოკრივე ტონი ბელოუსთან ერთად ფილმ “კრიდზე” მუშაობს.

“ძალიან მინდა, რომ შესვენების დროს სტადიონზე მოსული ფანები  არსად არ წავიდნენ და მონიტორს უცქირონ, რომელზეც განსაკუთრებულ სტუმარს აჩვენებენ”, – აღნიშნა მოკრივემ.

“ევერტონსა” და “ვესტ ბრომვიჩს” შორის გასამართი მატჩი დღეს, თბილისის დროით 00:00 საათზე დაიწყება.