დღის 5 სატრანსფერო ჭორი
Fanebi.com დღის გამორჩეულ სატრანსფერო ამბებს წარმოგიდგენთ.
ბარსელონას რეალის მოთამაშე სურს
“ბარსელონა” ტურინის “იუვენტუსიდან” პოლ პოგბას ყიდვას აპირებს. იმ შემთხვევაში, თუ ტრანსფერი ჩაიშლება კატალონიელები მადრიდის “რეალიდან” ისკოს გადაბირებას ეცდებიან.
დი ნატალე მლს-ზე ფიქრობს
“უდინეზეს” ფორვარდი ანტონიო დი ნატალე კარიერის გაგრძელებას მლს-ში აპირებს. 37 წლის მოთამაშის მიმართ ინტერესს “ნიუ-იორკ კოსმოსი” იჩენს, რომლის ღირსებას ლეგენდარული ესპანელი, რაული, იცავს.
მანჩესტერი ბუსკეტსით ინტერესდებოდა
ესპანური პრესის ცნობით “მანჩესტერ იუანიტედი” სერხიო ბუსკეტსით ინტერესდებოდა. თუმცა, ნახევარმცველი კლუბის შეცვლაზე არ ფიქრობს.
კასანო ბარის უახლოვდება
“პარმას” ყოფილი შემტევი ანტონიო კასანო შესაძლოა სერია B-ს ბინადარ “ბარიში” გადავიდეს, რომელიც მას 1,5-წლიან კონტრაქტს სთავაზობს.
დანი ალვეში ბარსაში დარჩენას იმედოვნებს
“ბარსელონას” მცველმა დანი ალვეშმა განაცხადა, რომ კატალონიურ კლუბში დარჩენას იმედოვნებს. ბრაზილიელმა განაცხადა, რომ თავს “ბარსელონას” სრულყოფილ წევრად თვლის და ამ გუნდში თამაში მომავალშიც სურს.
